கீழ், ஜனாதிபதியின் தலைமையில் தொழில்முறைப் பொலிஸ் சேவை மற்றும் தொழில்முறைப் பொலிஸ் அதிகாரி ஒருவரை உருவாக்க முடிந்துள்ளதாகப் பொதுப் பாதுகாப்பு அமைச்சர் ஆனந்த விஜேபால தெரிவித்துள்ளார்.
85 ஆவது பொலிஸ் தடகள விளையாட்டு விழாவில் கலந்துகொண்டு கருத்து தெரிவிக்கும்போதே அமைச்சர் இதனைக் குறிப்பிட்டார்.
அங்கு அவர் மேலும் கருத்து தெரிவிக்கையில், பொலிஸ் சேவையின் தரமான வளர்ச்சிக்கு ஏற்ப பொலிஸ் சீருடையைப் புதிய பொலிவுடன் வடிவமைப்பதற்கான திட்டங்கள் தயாரிக்கப்பட்டு வருவதாகத் தெரிவித்தார்.
அத்துடன், எதிர்வரும் ஆண்டில் பொலிஸ் சேவைக்கு மேலும் 10,000 அதிகாரிகளை இணைத்துக் கொள்ள நடவடிக்கை எடுக்கப்படும் என்றும், கடந்த 5 ஆண்டுகளாக இழக்கப்பட்டிருந்த பதவி உயர்வுகள் அனைத்தும் சிரேஷ்டத்துவம், பணித்திறன் மற்றும் திறமைக்காண் தேர்வு முறைமைகளின் கீழ் இந்த ஆண்டிற்குள் வழங்கப்படும் என்றும் அமைச்சர் கூறினார்.
கீழ்நிலை அதிகாரி முதல் உயர்நிலை அதிகாரி வரை அனைவருக்கும் தராதரம் பாராது வெளிநாட்டுப் பயிற்சிகளை வழங்குவதற்கான பொறிமுறையொன்று தயாரிக்கப்படும் என்றும் அமைச்சர் மேலும் குறிப்பிட்டார்.
பொலிஸ் அதிகாரிகளின் கடமை அர்ப்பணிப்பிற்காக 2027 ஆம் ஆண்டு வரவு செலவுத் திட்டத்தின் ஊடாக விசேட அபாயக் கொடுப்பனவொன்றை (Risk allowance) வழங்குவதற்கு அமைச்சரவை அங்கீகாரம் கிடைத்துள்ளதாகவும், எதிர்காலத்தில் மின்சார மோட்டார் சைக்கிள்கள் மற்றும் உட்கட்டமைப்பு வசதிகளை வழங்க நடவடிக்கை எடுக்கப்படும் என்றும் ஆனந்த விஜேபால இங்கு தெரிவித்தார்.