Tamil Leader எங்களைப் பற்றி
சமூக ஜனநாயக விழுமியங்களின் அடிப்படையில் மக்களுக்கு விழிப்புணர்வூட்டும், தகவல்களால் அறிவூட்டும் மற்றும் மக்கள் மகிழ்ச்சியை (Public Happiness) ஊக்குவிக்கும் முதன்மையான டிஜிட்டல் ஊடக தளம்.
Tamilleader.lk என்பது இலங்கையிலும் சர்வதேச புலம்பெயர் சமூகத்தினரிடையேயும் இயங்கும் செய்திகள் மற்றும் சமகால அம்சங்களை வழங்கும் முன்னணி செய்தி இணையத்தளமாகும். சமீபத்திய மற்றும் சமகால செய்திகள் மற்றும் அரசியல் தகவல்களை வாசகர்களுக்கு தினமும் வழங்குகிறது.
நாங்கள் எப்போதும் நடுநிலைமையைப் பேண முயற்சிப்பதுடன், எந்தவொரு அரசியல் கட்சியுடனும் இணைந்து செயல்படுவதோ அல்லது சார்பு நிலையை எடுப்பதோ இல்லை. சமூகத்திற்கு நன்மையளிக்கும் வகையிலான ஆக்கபூர்வமான விமர்சனங்களை முன்வைக்க நாங்கள் முயல்கிறோம். மேலும், எமது செய்தி அறிக்கையிடலை முழுமையான வெளிப்படைத்தன்மையுடன் பேணுகிறோம்.
எமது தொலைநோக்கு (Our Vision)
“அமைதி மற்றும் நல்லிணக்கத்தை மேம்படுத்தும் வகையில், சமூக மேம்பாட்டிற்காக, எப்போதும் உண்மை என உறுதிப்படுத்தப்பட்ட, ஆதாரபூர்வமான தகவல்களை வழங்குவோம்.”
எமது பணி (Our Mission)
அனைத்து நபர்களினதும் தனிப்பட்ட வெளிக்கான (தனியுரிமை) உரிமையை உறுதிப்படுத்தி, நெறிமுறை ரீதியாக சமூகத்திற்கு அறிவூட்டுவதும் தகவல்களை வழங்குவதும் எமது பணியாகும். நம்பகமான மூலங்கள் ஊடாக சரிபார்க்கப்பட்ட செய்திகளை மட்டுமே வழங்குவது இதில் அடங்கும்.
எமது முக்கிய இலக்குகள்
- பொறுப்பான, காலோசிதமான மற்றும் நெறிமுறை சார்ந்த அறிக்கையிடல்
- இனவாதம், மத தீவிரவாதம், பெரும்பான்மைவாதம் மற்றும் பாகுபாடுகளுக்கு எதிர்ப்பாக இருத்தல்
- அனைத்து இலங்கை குடிமக்களினதும் சிவில் மற்றும் டிஜிட்டல் உரிமைகளை ஊக்குவித்தல்
- சமூக ஜனநாயக விழுமியங்களைப் பாதுகாத்தல்
- ‘சிறுபான்மை’ விவகாரங்கள் குறித்த கவனத்திற்கு திறந்த தளத்தை வழங்குதல்
- அரச கொள்கை, சட்ட மற்றும் அரசியலமைப்பு விவாதங்களை ஊக்குவித்தல்
- புவிசார் அரசியல் மற்றும் பொருளாதார விவகாரங்களை விவாதத்திற்கு உட்படுத்துதல்
- நெறிமுறை சார்ந்த சமூக ஊடகப் பயன்பாட்டிற்கு முன்மாதிரியாகத் திகழ்தல்
தமிழ் லீடர் நிறுவனக் கொள்கைகள் மற்றும் ஊடக நெறிமுறைப் பிரகடனம்
1. துன்பம் மற்றும் கண்ணீரை வியாபாரமாக்குதல் முற்றாகத் தடைசெய்யப்பட்டுள்ளது: லாபம் அல்லது மதிப்பீடுகளை இலக்காகக் கொண்டு மக்களின் துன்பம், கண்ணீர் அல்லது தனிப்பட்ட துயரங்களை பரபரப்பாக்குவது (Sensationalism) முற்றாகத் தடைசெய்யப்பட்டுள்ளது.
2. தேசிய மற்றும் மத நல்லிணக்கம்: இனங்கள் அல்லது மதங்களுக்கிடையிலான நல்லிணக்கத்திற்கு குந்தகம் விளைவிக்கும் வகையிலான அறிக்கைகள், காணொளிகள் அல்லது கேலிச் சித்திரங்கள் நேரடியாகவோ மறைமுகமாகவோ வெளியிடப்பட மாட்டாது.
3. தனியுரிமையை மதித்தல்: இரகசிய கேமராக்கள், இரகசிய ஒலிப்பதிவுகள் அல்லது ஏமாற்று வழிகள் ஊடாக தகவல்களைச் சேகரிப்பது முற்றாகத் தடைசெய்யப்பட்டுள்ளது.
4. போலிச் செய்தித் தடை (Zero Tolerance for Fake News): உறுதிப்படுத்தப்படாத, திசைதிருப்பும் தலைப்புகள் (Clickbait Titles) அல்லது தவறான செய்திகள் வெளியிடப்பட மாட்டாது என்பதுடன் ஒவ்வொரு செய்தியும் முறையாக சரிபார்க்கப்படும்.
5. சிறுவர்கள் மற்றும் பாதிக்கப்பட்டவர்களின் பாதுகாப்பு: 18 வயதுக்குட்பட்ட சிறுவர்கள் அல்லது குற்றங்களால் பாதிக்கப்பட்டவர்களின் அடையாளம் அல்லது தனிப்பட்ட தகவல்களை அனுமதியின்றி வெளிப்படுத்துவது முற்றாகத் தடைசெய்யப்பட்டுள்ளது.
பணிப்பாளர் சபை / பிரதம நிறைவேற்று அதிகாரி • 'தமிழ் லீடர்' பிரைவேட் லிமிடெட்