ஜே.ஆர். தொடங்கிய புரட்சியை முன்னெடுத்துச் செல்ல ஐக்கிய மக்கள் சக்திக்கு ரணில் அழைப்பு!

ஜனாதிபதி ஜே. ஆர். ஜெயவர்த்தனவின் 120 ஆவது பிறந்ததின நினைவேந்தலை முன்னிட்டு, கொழும்பு தேசிய நூலக மற்றும் ஆவணவாக்கல் சேவைகள் சபையின் கேட்போர் கூடத்தில் நடைபெற்ற அறிஞர்களின் கலந்துரையாடலில் கலந்துகொண்டு உரையாற்றுகையிலேயே, எட்டாவது நிறைவேற்று அதிகாரமிக்க ஜனாதிபதியும் ஐக்கிய தேசியக் கட்சியின் தலைவருமான ரணில் விக்ரமசிங்க இச்சிஷேட உரையை நிகழ்த்தினார்.

மகாமானிய டி. எஸ். சேனநாயக்க அரசியல் பீடம் ஏற்பாடு செய்திருந்த இந்நிகழ்வில், ஐக்கிய தேசியக் கட்சியையும் ஐக்கிய மக்கள் சக்தியையும் ஒரே மேடையில் ஒன்று திரட்டுவதற்கு நடவடிக்கை எடுத்தமைக்காகப் பாராளுமன்ற உறுப்பினர் புத்திக பத்திரணவுக்குத் தனது நன்றியைத் தெரிவித்து முன்னாள் ஜனாதிபதி தனது உரையை ஆரம்பித்தார்.

ஜனநாயக சோசலிசமும் சொத்துரிமையைப் பரவலாக்கலும்

ஐக்கிய தேசியக் கட்சி ஜனநாயக சோசலிசக் கொள்கையைப் பின்பற்றும் ஒரு கட்சி என்பதை நினைவுகூர்ந்த ரணில் விக்ரமசிங்க, 1975 ஆம் ஆண்டு ஜே. ஆர். ஜெயவர்த்தன முன்வைத்த பொருளாதார மற்றும் சமூக தொலைநோக்குப் பார்வையை இங்கு விளக்கிப் பேசினார்.

ஒரு சிறிய வீடு, காணி அல்லது வியாபாரத்தைச் சொந்தமாகக் கொண்டிக்கும் பிரஜையொருவரிடம் பொருளாதார மற்றும் சமூக சுதந்திரம் கட்டியெழுப்பப்படுவதாகச் சுட்டிக்காட்டிய முன்னாள் ஜனாதிபதி, நாட்டின் சொத்துரிமை இலட்சக்கணக்கான பொதுமக்களுக்கு இடையே பகிர்ந்தளிக்கப்படுவதன் மூலம் அதிகாரம் ஒருமுகப்படுத்தப்படுவது தடுக்கப்படுவதாகவும், அதன் மூலம் சமூக அதிகாரம் சாதாரண பிரஜையின் கைக்குச் செல்வதாகவும் சுட்டிக்காட்டினார். அதிகாரமும் செல்வமும் அரசாங்கத்திடமோ அல்லது ஏதேனுமொரு சலுகை பெற்ற வர்க்கத்திடமோ மட்டுமே குவிந்திருப்பதைத் தடுப்பதே அக்காலத்தில் ஆரம்பிக்கப்பட்ட சமூக-பொருளாதார வேலைத்திட்டத்தின் முதன்மை நோக்கமாகும் என அவர் குறிப்பிட்டார்.

17 ஆண்டுகால பொருளாதார மற்றும் சமூக மாற்றம்

ஜே. ஆர். ஜெயவர்த்தன மற்றும் ரணசிங்க பிரேமதாச ஆகிய தலைவர்களின் கீழ் நடைமுறைப்படுத்தப்பட்ட 17 ஆண்டுகால ஆட்சியில், நாட்டின் சாதாரண மக்களின் பொது வாழ்க்கையில் ஏற்பட்ட உட்கட்டமைப்பு வசதிகளின் விரிவாக்கம் தொடர்பில் தரவுகளை முன்வைத்து ரணில் விக்ரමசிங்க உரையாற்றினார்.

• கல்வித் துறை: பாடசாலைக் கல்வியைப் பெறும் பிள்ளைகளின் எண்ணிக்கையை 2.5 மில்லியனிலிருந்து 4.1 மில்லியன் வரை 1.6 மில்லியனால் உயர்த்த முடிந்தது.

• மின்சார விநியோகம்: நாட்டின் வீடுகள் மற்றும் தொழிற்சாலைகளுக்கான மின்சார விநியோகத்தை 10% அளவிலிருந்து இன்று 95% எல்லைக்குக் கொண்டுவருவதற்கான அடிப்படை இடப்பட்டது.

• வீடமைப்பு: கிராமிய வீடமைப்புத் திட்டங்கள் காரணமாக நிரந்தர வீடுகளின் சதவீதம் 40% இலிருந்து 80% வரை உயர்வதற்குக் அடித்தளம் அமைந்தது.

அத்துடன், மகாவலி திட்டத்தை முன்னெடுத்துச் சென்ற காமினி திசாநாயக்க மற்றும் மஹபொல உதவித்தொகைத் திட்டத்தை ஆரம்பித்த லலித் அதுலத்முதலி உள்ளிட்ட தலைவர்கள் நாட்டின் பொருளாதார மற்றும் சமூக மாற்றத்திற்கு வழங்கிய பங்களிப்பும் இங்கு நினைவுகூரப்பட்டது.

1978 அரசியலமைப்பும் பிரஜைகளின் உரிமைகள் உறுதிசெய்யப்படலும்

1978 ஆம் ஆண்டு அரசியலமைப்பின் மூலம் மக்கள் இறைமை உறுதிசெய்யப்பட்ட விதத்தைச் சட்ட ஏற்பாடுகளை மேற்கோள்காட்டி விக்ரமசிங்க விவரித்தார்:

ஐக்கிய தேசியக் கட்சியின் 80 ஆவது ஆண்டு நிறைவும் எதிர்க்கட்சியின் ஒற்றுமையும்

ஐக்கிய தேசியக் கட்சியின் 80 ஆவது ஆண்டு நிறைவு விழா நடவடிக்கைகள் தற்போது ஆரம்பிக்கப்பட்டுள்ளதாகக் குறிப்பிட்ட ரணில் விக்ரமசிங்க, அன்று ஜே. ஆர். ஜெயவர்த்தன ஆரம்பித்த சமூக-பொருளாதார மற்றும் அரசியல் மாற்றத்தைத் தொடர்ச்சியாக முன்னெடுத்துச் செல்வதற்காக, ஐக்கிய மக்கள் சக்தியின் பாராளுமன்ற உறுப்பினர்களுக்கும் உறுப்பினர்களுக்கும் ஐக்கிய தேசியக் கட்சியின் ஆண்டு நிறைவு வேலைத்திட்டங்களுடன் கைகோர்க்குமாறு திறந்த அழைப்பு விடுத்துத் தனது உரையை நிறைவு செய்தார்.