கட்டுப்படுத்தி, விநியோக நெருக்கடிக்குத் தீர்வு காண்பதற்காக 100 மில்லியன் பேரல் கச்சா எண்ணெய் மற்றும் டீசலைச் சந்தைக்கு விடுவிக்க ஜி7 (G7) நாடுகள் உடன்பாட்டை எட்டியுள்ளன.
உலகளாவிய விநியோகத்தை உறுதிப்படுத்தும் அவசர நடவடிக்கை
உலகச் சந்தையில் நிலவும் எரிபொருள் பற்றாக்குறையைத் தவிர்க்கும் பொருட்டு, உலகின் முன்னணி தொழில்துறை நாடுகளின் கூட்டமைப்பான ஜி7, 100 மில்லியன் பேரல் அவசர கச்சா எண்ணெய் மற்றும் டீசல் இருப்பை விடுவிக்கத் தீர்மானித்துள்ளது.
சர்வதேச எரிசக்தி முகவர் நிலையத்தின் (IEA) ஒருங்கிணைப்பின் கீழ், வரும் நான்கு மாதங்களுக்குள் பல கட்டங்களாக இந்நடவடிக்கை நடைமுறைப்படுத்தப்படவுள்ளது.
குறிப்பாக, சர்வதேசப் போக்குவரத்துத் துறையில் காணப்படும் நெருக்கடிகளைக் கருத்திற்கொண்டு, ஆரம்ப கட்டமாக முதல் 20 நாட்களுக்குள் கணிசமான அளவிலான டீசல் சந்தைக்கு விநியோகிக்கப்படவுள்ளது.
ஏற்றுமதிப் கட்டுப்பாடுகளைத் தவிர்க்க நாடுகளிடையே உடன்பாடு
உள்நாட்டுச் சந்தையைப் பாதுகாப்பதற்காக எரிசக்தி ஏற்றுமதியைக் கட்டுப்படுத்துவது தொடர்பில் சில தரப்பினரால் முன்வைக்கப்பட்ட யோசனைகள் குறித்து விவாதிக்கப்பட்டது. எனினும், இத்தகைய கட்டுப்பாடுகள் ஏனைய நாடுகளின் எண்ணெய் விலையை மேலும் உயர்த்தக்கூடும் எனச் சுட்டிக்காட்டப்பட்டது.
கூட்டு அறிக்கையொன்றை வெளியிட்ட ஜி7 தலைவர்கள், உறுப்பு நாடுகளுக்கிடையே எரிசக்திப் பொருட்களின் ஏற்றுமதியைக் கட்டுப்படுத்துவதைத் தவிர்க்க அனைத்துத் தரப்பினரும் ஒப்புக்கொண்டதாக வலியுறுத்தினர்.
இந்த உடன்பாட்டில் உள்ளடங்கியுள்ள பிரதான வாக்குறுதிகள்:
-
சர்வதேச எரிசக்தி முகவர் நிலையத்தின் மூலம் 100 மில்லியன் பேரல் எரிபொருளை உடனடியாக விடுவித்தல்.
-
முதல் 20 நாட்களுக்குள் சந்தைக்குத் தேவையான டீசல் விநியோகத்தை விரைவுபடுத்துதல்.
-
நாடுகளுக்கிடையேயான எண்ணெய் மற்றும் எரிவாயு ஏற்றுமதிக்குத் தடைகள் அல்லது கட்டுப்பாடுகளை விதிப்பதைத் தவிர்த்தல்.
-
சாதாரண குடும்பங்கள் மற்றும் வியாபாரங்களை வீரியமிக்க பொருளாதார நெருக்கடிகளிலிருந்து மீட்டெடுத்தல்.
கச்சா எண்ணெய் விலை மற்றும் இலங்கைகான தாக்கம்
உலகளாவிய சந்தை அளவுகோலான ப்ரென்ட் (Brent) கச்சா எண்ணெய் பேரலொன்றின் விலை 100 டொலர்களைத் தாண்டி உயர்ந்துள்ள நிலையில், புதிய தீர்மானத்துடன் அவ்விலை ஓரளவு குறையுமென எதிர்பார்க்கப்படுகின்றது.
டீசல் என்பது விவசாயத்திற்கும், பொதுப் போக்குவரத்து மற்றும் சரக்கு விநியோக வலைப்பின்னல்களுக்கும் அத்தியாவசிய காரணியாக இருப்பதால், அதன் விலை உயர்வது உலகளவில் பணவீக்கம் அதிகரிப்பதற்கு நேரடியாகக் காரணமாக அமைகின்றது.
இலங்கை போன்ற கச்சா எண்ணெய் இறக்குமதியை நம்பியுள்ள ஒரு பொருளாதாரத்திற்கு உலகச் சந்தையில் விலை ஸ்திரத்தன்மை ஏற்படுவது மிகவும் தீர்க்கமான காரணியாகும். உலக எண்ணெய் விலை கட்டுப்பாட்டுக்குள் வருவது நாட்டின் அந்நியச் செலாவணி அழுத்தத்தைக் குறைப்பதற்கும், உள்நாட்டுப் போக்குவரத்துச் கட்டணங்கள் மற்றும் பொருட்களின் விலைகளை ஸ்திரமாகப் பேணுவதற்கும் உறுதுணையாக அமையும்.