உடுவில் அபிவிருத்தி உத்தியோகத்தர் மின்சாரம் தாக்கி பலி!

• உடுவில் பிரதேச செயலகத்தில் பணியாற்றிய 37 வயதுடைய அபிவிருத்தி உத்தியோகத்தர் மின்சாரம் தாக்கி உயிரிழப்பு.

• வாட்ஸ்அப் (WhatsApp) செய்திக்கு அமைவாக விடுமுறை தினத்தில் பணிக்குச் சென்றபோதே இச்சோகம்.

யாழ்ப்பாணம், உடுவில் பிரதேச செயலகத்தில் பணியாற்றிய அபிவிருத்தி உத்தியோகத்தர் ஒருவர் மின்சாரத் தாக்குதலுக்கு இலக்காகி உயிரிழந்துள்ளதாகப் பொலிஸார் தெரிவித்துள்ளனர்.

உற்பத்தித்திறன் பரிசோதனைக் குழுவொன்று வருகை தரவுள்ளமையால், அலுவலக வளாகத்தைச் சுத்தம் செய்வதற்காக அனுப்பப்பட்ட வாட்ஸ்அப் (WhatsApp) செய்திக்கு அமைவாக நேற்று (30) பிற்பகல் பணிக்குச் சென்ற உத்தியோகத்தரே இவ்வாறு மின்சாரம் தாக்கி உயிரிழந்துள்ளார்.

இச்சம்பவத்தில் நிசாந்தன் சிந்துப்பிரியா என்ற 37 வயதுடைய பெண்ணே உயிரிழந்துள்ளார்.

அவர் அலுவலக வளாகத்திலுள்ள மூலிகைத் தோட்டத்திற்கு (ஓசு உயன) நீர் பாய்ச்சிக் கொண்டிருந்த வேளையில், அங்கு ஏற்பட்ட மின் கசிவு காரணமாகவே இந்த விபத்து சம்பவித்திருக்கலாம் எனப் பொலிஸார் சந்தேகிக்கின்றனர்.

விபத்து நேரிட்ட உடனடியாக அவர் தெல்லிப்பழை வைத்தியசாலையில் அனுமதிக்க நடவடிக்கை எடுக்கப்பட்ட போதிலும், அவர் ஏற்கனவே உயிரிழந்துவிட்டதாக வைத்தியசாலை வட்டாரங்கள் தெரிவித்துள்ளன.

சம்பவம் தொடர்பாகச் சுன்னாகம் பொலிஸார் மேலதிக விசாரணைகளை மேற்கொண்டு வருகின்றனர்.