உறுப்பினரான 'ரத்மலானே சைமா' என்பவர், கஞ்சிப்பானை இம்ரானின் நிதியியல் நடவடிக்கைகளுக்குப் பொறுப்பாகச் செயற்பட்டுள்ளமை பொலிஸ் விசாரணைகளில் தெரியவந்துள்ளது.
மேலும், அவர் 'கெஹெல்பத்தர பத்மே' மலேசியாவில் தலைமறைவாகி இருப்பதற்கு உதவி வழங்கியுள்ளார் என்றும் பொலிஸார் தெரிவித்துள்ளனர்.
இலங்கை பொலிஸ் குழுவொன்று மலேசிய பொலிஸாருடன் இணைந்து அண்மையில் மேற்கொண்ட விசேட நடவடிக்கையின் போது, தனுஷ்க கௌஷல்ய என்ற 'ரத்மலானே சைமா' உள்ளிட்ட மூவர் கைது செய்யப்பட்டனர்.
மேற்கொள்ளப்பட்ட விசாரணைகளின் போது, கஞ்சிப்பானை இம்ரான் எனும் குற்றவாளியின் அனைத்து நிதியியல் நடவடிக்கைகளையும் இவரே வழிநடத்தியுள்ளார் என்பது வெளிச்சத்திற்கு வந்துள்ளது.
சந்தேகநபரான சைமா என்பவர், கஞ்சிப்பானை இம்ரானின் சமூக ஊடக நடவடிக்கைகளுக்கும் பொறுப்பாகச் செயற்பட்டுள்ளதுடன், அதற்கமைய அவரது குரல் பதிவுகளைச் சமூக ஊடகங்களில் பதிவிடும் பணியையும் மேற்கொண்டுள்ளார் எனத் தெரியவந்துள்ளது.
அத்துடன், கடந்த ஆண்டில் கெஹெல்பத்தர பத்மே மலேசியாவில் தலைமறைவாகியிருப்பதற்குப் கஞ்சிப்பானை இம்ரானின் ஆலோசனையின் பேரில் இவர் வசதிகளைச் செய்து கொடுத்துள்ளார் என்பதும் விசாரணைகளில் வெளிப்படுத்தப்பட்டுள்ளது.
தற்போது பிரான்ஸில் தலைமறைவாக இருக்கும் 'கூடு அஞ்சு' என்பவரின் நெருங்கிய கூட்டாளியாகச் சில காலம் செயற்பட்ட இவர், பின்னர் கஞ்சிப்பானை இம்ரானுடன் இணைந்துள்ளதாகப் பொலிஸார் தெரிவித்தனர்.
கூடு அஞ்சு என்பவர் சைமாவைக் கொலை செய்யத் திட்டமிட்டிருந்ததாகவும், அது குறித்துக் கஞ்சிப்பானை இம்ரான் சைமாவிற்கு எச்சரித்ததைத் தொடர்ந்து, அவர் கஞ்சிப்பானை இம்ரானுடன் நெருக்கமாகச் செயற்படத் தொடங்கியுள்ளார்.
இவர் சுமார் 10 ஆண்டுகளுக்கு முன்பே மலேசியாவிற்குத் தப்பிச் சென்றுள்ளதாகப் பொலிஸார் மேலும் குறிப்பிட்டனர்.