வருடாந்த பஸ் கட்டணத் திருத்தம் நாளை முதல் நடைமுறைப்படுத்தப்படுமா?

நடைமுறைப்படுத்த வேண்டும் என இலங்கை தனியார் பஸ் உரிமையாளர்கள் சங்கம் தெரிவித்துள்ளது.

வருடாந்த பஸ் கட்டண திருத்தக் கொள்கைக்கு இணங்க, இம்முறை பஸ் கட்டணங்கள் எவ்வாறு திருத்தப்பட வேண்டும் என்பது குறித்து தேசிய போக்குவரத்து ஆணைக்குழுவிற்கு ஏற்கனவே அறிவிக்கப்பட்டுள்ளதாக அதன் தலைவர் கெமுனு விஜேரத்ன குறிப்பிட்டுள்ளார்.

எனினும், இது தொடர்பில் தேசிய போக்குவரத்து ஆணைக்குழு இதுவரை பஸ் சங்கங்களுடன் எந்தவொரு கலந்துரையாடலையும் நடத்தவில்லை என பஸ் சங்கங்கள் குற்றம் சுமத்தியுள்ளன.

இதேவேளை, இம்முறை பஸ் கட்டண திருத்தத்தில் எதிர்பார்க்கப்பட்ட நியாயமான கட்டண திருத்தம் மேற்கொள்ளப்படாவிட்டால், சட்டபூர்வ நடவடிக்கை எடுக்கவுள்ளதாக இலங்கை தனியார் பஸ் உரிமையாளர்கள் சங்கத்தின் தலைவர் கெமுனு விஜேரத்ன எச்சரித்துள்ளார்.

இது குறித்து தேசிய போக்குவரத்து ஆணைக்குழுவிடம் வினவியபோது, வருடாந்த பஸ் கட்டண திருத்தம் தொடர்பான பிரேரணை ஏற்கனவே அமைச்சரவையில் சமர்ப்பிக்கப்பட்டுள்ளதாக தெரிவித்தது.

அமைச்சரவையின் அனுமதி கிடைத்தவுடன் பஸ் கட்டண திருத்தம் உடனடியாக நடைமுறைப்படுத்தப்படும் என தேசிய போக்குவரத்து ஆணைக்குழு மேலும் குறிப்பிட்டுள்ளது.