குறித்த வழக்கு இன்று (28) பதுளை மேல்நீதிமன்றத்தில் எடுத்துக்கொள்ளப்பட்டபோதே இத்தீர்ப்பு வழங்கப்பட்டுள்ளது.
சட்டவிரோதமாக வழிமறித்துத் தாக்குதல் நடாத்தியமை, காயங்களை ஏற்படுத்தியமை, இரண்டு பொலிஸ் அதிகாரிகளுக்கு மரண அச்சுறுத்தல் விடுத்தமை மற்றும் காயங்களை ஏற்படுத்தியமை ஆகிய குற்றச்சாட்டுகள் தொடர்பில் பாராளுமன்ற உறுப்பினர் சமிந்த விஜேசிறி, அவரது சாரதி மற்றும் அமைச்சர்களின் பாதுகாப்புப் பிரிவைச் சேர்ந்த பொலிஸ் அதிகாரி ஒருவருக்கு எதிராகப் பதுளை மேல்நீதிமன்றில் தொடரப்பட்ட வழக்கை விசாரித்த பதுளை மேல்நீதிமன்றம், தண்டனை விவரங்களை இன்று (28) அறிவிக்கவுள்ளது.
சமிந்த விஜேசிறி மற்றும் அவரது சாரதியான பண்டார ரத்நாயக்க ஆகிய இரு பிரதிவாதிகளும் 4 குற்றச்சாட்டுகளுக்கும், அமைச்சர்களின் பாதுகாப்புச் சேவையைச் சேர்ந்த பொலிஸ் அதிகாரியான ரசிக கருணாத்திலக்க 3 குற்றச்சாட்டுகளுக்கும் குற்றவாளிகளாகத் தீர்மானிக்கப்பட்டனர்.
எவ்வாறாயினும், பிரதிவாதியான சாரதி பண்டார ரத்நாயக்க உயிரிழந்துள்ளதாக இங்கு குறிப்பிடப்பட்டது.
2019 ஆம் ஆண்டு பெப்ரவரி மாதம் 10 ஆம் திகதி அல்லது அதனை அண்மித்த நாளன்றோ பண்டாரவளை நகரச் சுற்றவளைவுக்கு அருகே பாராளுமன்ற உறுப்பினர் சமிந்த விஜேசிறி உள்ளிட்ட குழுவினர் ஜீப் வண்டிகளில் பயணித்துக் கொண்டிருந்த வேளையில், அவரது ஜீப் வண்டியை பொலிஸ் ஜீப் வண்டியொன்று முந்திச் சென்றமை தொடர்பாக ஏற்பட்டதாகக் கூறப்படும் தர்க்கமே இச்சம்பவத்திற்கு மூலகாரணம் என வழக்கு விசாரணையின் போது வெளிச்சத்திற்கு வந்தது.
தம்மை முந்திச் சென்ற பொலிஸ் ஜீப் வண்டியை வழிமறித்த முன்னாள் பாராளுமன்ற உறுப்பினர் உள்ளிட்ட குழுவினர், அதில் இருந்த அதிகாரிகளுக்கு மரண அச்சுறுத்தல் விடுத்துத் தாக்குதல் நடத்தி காயங்களை ஏற்படுத்தியதாக முறைப்பாட்டாளர்கள் தரப்பில் குற்றஞ்சாட்டப்பட்டிருந்தது.