பெருமளவிலான பயணிகள் வருகை தந்து கொண்டிருப்பதாகத் தெரிவிக்கப்படுகிறது.
விடுமுறையைக் கழிப்பதற்காகத் தமது சொந்த ஊர்களுக்கும் பல்வேறு பிரதேசங்களுக்கும் செல்லும் மக்கள் காரணமாக அந்த மையத்தில் இன்றைய தினம் கடும் பயணிகள் நெரிசல் காணப்படுகிறது.
இதேவேளை, பல அதிவேக நெடுஞ்சாலைப் பிரவேச நுழைவாயில்களில் கடுமையான போக்குவரத்து நெரிசல் ஏற்பட்டுள்ளது.
இதன்படி, மத்திய அதிவேக நெடுஞ்சாலையின் மீரிகம பிரவேசம் மற்றும் அந்த வீதியின் யக்கபிட்டிய இடைமாற்ற நுழைவாயிலிலிருந்து வெளியேறுவதற்காகவும் கடுமையான போக்குவரத்து நெரிசல் நிலவுவதாகத் தெரிவிக்கப்படுகிறது.
அத்துடன், தெற்கு அதிவேக நெடுஞ்சாலையின் மத்தள இடைமாற்ற நுழைவாயில் மற்றும் கொழும்பு வெளிவட்ட வீதியின் கடவத்தை இடைமாற்ற நுழைவாயிலிலிருந்து வெளியேறுவதற்கும் கடும் போக்குவரத்து நெரிசல் நிலவுவதாக வீதி அபிவிருத்தி அதிகாரம் தெரிவித்துள்ளது.
இன்று முதல் ஆரம்பமாகும் நீண்ட வார இறுதி விடுமுறை காரணமாகவே அதிவேக நெடுஞ்சாலைகளின் நுழைவாயில்கள் மற்றும் வெளியேறும் வாயில்களில் இவ்வாறு போக்குவரத்து நெரிசல் ஏற்பட்டுள்ளதாக அந்த அதிகாரம் மேலும் குறிப்பிட்டுள்ளது.