சட்டவிரோதமான முறையில் படகின் மூலம் தனுஷ்கோடியை சென்றடைந்த இரு இலங்கையர்கள் இந்திய கடலோரப் பொலிஸாரினால் கைது செய்யப்பட்டுள்ளனர்.
இவ்வாறு கைது செய்யப்பட்டவர்கள் 30 மற்றும் 31 வயதுடையவர்கள் எனத் தெரிவிக்கப்படுகின்றது.
கடந்த வியாழக்கிழமை வத்தளைப் பகுதியில் இடம்பெற்ற துப்பாக்கிச் சூட்டுச் சம்பவத்துடன் இவர்கள் தொடர்புடையவர்களா என இலங்கை அதிகாரிகள் சந்தேகப்பதாக இந்திய ஊடகங்கள் செய்தி வெளியிட்டுள்ளன.
அத்துடன், கைது செய்யப்பட்ட இவ்விருவருக்கும் எதிராக இலங்கையில் போதைப்பொருள் தொடர்பான மூன்று வழக்குகள் நிலுவையில் உள்ளதாகவும் தகவல்கள் தெரிவிக்கின்றன.