ஐந்தாவது நினைவேந்தலை முன்னிட்டு நடத்தப்படும் தொடர் நிகழ்வுகளுக்கு இணையாக, மாத்தறை வரலாற்றுச் சிறப்புமிக்க போதிராஜாராமயவில் நேற்று (23) இரவு சுமதுர தர்ம தேசனை ஒன்று நடைபெற்றது.
வஜிராராம விகாரைவாசி பூஜ்ய பண்டிதர் மீகொட சுகித தேரரால் இந்த தர்ம தேசனை நடாத்தப்பட்டதுடன், இதன்போது அவர் மங்கள சமரவீரவின் அரசியல் தொலைநோக்கு மற்றும் கொள்கைகள் குறித்தும் கருத்துக்களைப் பகிர்ந்து கொண்டார்.
மங்கள சமரவீர போன்ற ஒருவர் இன்று உயிரோடு இருந்திருந்தால், அவரது பொருளாதாரக் கொள்கைகள் மற்றும் விலைச் சூத்திரம் (Fuel Price Formula) போன்ற கொள்கைகள் இன்று நாட்டிற்குள் எவ்வாறு நடைமுறை ரீதியாகச் செயல்படுத்தப்பட வேண்டியுள்ளது என்பதைப் பார்த்திருக்க முடியும் எனத் தேரர் சுட்டிக்காட்டினார்.
மங்கள சமரவீர தொலைநோக்குப் பார்வையுடன் உருவாக்கிய கொள்கை வகுப்புகளின் முக்கியத்துவம் இன்றளவில் மேலும் தெளிவாக உணர்ந்து கொள்ள முடிவதாகவும் வணக்கத்திற்குரிய மீகொட சுகித தேரர் தெரிவித்தார்.
மேலும், மங்கள சமரவீர உயிரோடு இருந்த காலத்தில் அவருடன் நெருங்கிப் பழக முடியாமல் போனதையிட்டுத் தான் வருந்துவதாகவும், அவரிடமிருந்து கற்றுக்கொள்வதற்குப் பல விஷயங்கள் இருந்ததாகவும் அவர் குறிப்பிட்டார்.
மங்கள சமரவீரவின் மறைவுக்குப் பின்னரே அவரிடமிருந்த அறிவு, அரசியல் தொலைநோக்கு மற்றும் கொள்கைகள் குறித்து மிக ஆழமாகப் புரிந்துகொள்ள முடிந்தது என்றும் அவர் மேலும் தெரிவித்தார்.
இந்தத் தர்ம நிகழ்வில் மங்கள சமரவீரவின் சகோதரியான ஜெயந்தி சமரவீர குணவர்தன, அவரது உறவினரான சஞ்சலா குணவர்தன உட்பட மங்கள சமரவீரவை நேசித்த மாத்தறை மக்கள் பெருமளவில் கலந்துகொண்டனர்.