(PHI Association) இன்று (24) காலை 8.00 மணி முதல் தீவு தழுவிய தீவிர தொழிற்சங்க நடவடிக்கையில் ஈடுபடத் தீர்மானித்துள்ளது.
கட்டுநாயக்க பண்டாரநாயக்க சர்வதேச விமான நிலைய சுகாதார அலுவலகத்தில் இடம்பெறும் சட்டவிரோதச் செயல்களுக்கு எதிர்ப்புத் தெரிவித்ததன் காரணமாக, பொது சுகாதார பரிசோதகர் பி.எச். மிகஸ்தெனிய (B.H. Migasdeniya) இடமாற்றம் செய்யப்பட்டமைக்கு எதிர்ப்பத் தெரிவித்தே இந்தத் தொழிற்சங்க நடவடிக்கையில் ஈடுபடுவதாக அவர்கள் அறிவித்துள்ளனர்.
இந்தப் பிரச்சினை குறித்து முன்னதாக அதிகாரிகளுக்குத் தெரியப்படுத்திய போதிலும், சுகாதார அமைச்சு இதுவரை எந்தவொரு தீர்வையும் வழங்க நடவடிக்கை எடுக்கவில்லை என அச்சங்கம் தெரிவித்துள்ளது.
இதன்படி, சங்கத்தின் செயற்குழுத் தீர்மானத்திற்கு அமைய இன்றிலிருந்து அமலுக்கு வரும் வகையில்:
-
தீவு முழுவதிலுமுள்ள அனைத்துப் பொது சுகாதார பரிசோதகர்கள் மற்றும் நிர்வாகப் பொது சுகாதார பரிசோதகர்கள் நிர்வாகத்திற்கு வழங்கும் அனைத்து வகையான தரவுகள் மற்றும் அறிக்கைகளை வழங்குவதை முழுமையாக நிறுத்துதல்.
-
அனைத்து வகையான தரவு அமைப்புகளையும் புதுப்பிப்பதை (Data systems updating) இடைநிறுத்துதல்.
இந்தக் காலக்கட்டத்தில் விடுபடும் எந்தவொரு தரவுகளும் மீண்டும் ஒருபோதும் தரவு அமைப்புகளில் புதுப்பிக்கப்பட மாட்டாது என்றும் பொது சுகாதார பரிசோதகர்கள் சங்கம் கடுமையாக வலியுறுத்தியுள்ளது.
மேலும், பி.எச். மிகஸ்தெனிய அவர்களின் தன்னிச்சையான இடமாற்றத்தை உடனடியாக ரத்து செய்து, அது குறித்து நியாயமான விசாரணை நடத்துமாறு அவர்கள் அதிகாரிகளிடம் கேட்டுக்கொள்கின்றனர்.
இது தவிர, கொழும்பு துறைமுக சுகாதார அலுவலகம் மற்றும் கட்டுநாயக்க விமான நிலைய சுகாதார அலுவலகம் ஆகியவற்றின் அங்கீகரிக்கப்பட்ட பொது சுகாதார பரிசோதகர்களின் எண்ணிக்கையைக் குறைப்பதற்கு மேற்கொள்ளப்படும் முயற்சியையும் தாம் கடுமையாக அருவருப்புடன் கண்டிப்பதாக இலங்கை பொது சுகாதார பரிசோதகர்கள் சங்கத்தின் பதில் தலைவரும் செயலாளரும் தெரிவித்துள்ளனர்.
இருப்பினும், இந்த விவகாரங்கள் குறித்து நியாயமான விசாரணைக்கு முழு ஒத்துழைப்பு வழங்கவும், எந்த நேரத்திலும் பேச்சுவார்த்தைக்குத் தயாராக இருப்பதாகவும் அச்சங்கம் மேலும் தெரிவித்துள்ளது.