கொழும்பு - தலைமன்னார் ரயில் சேவை இன்று முதல் மீள ஆரம்பம்!

இயக்கப்படும் புகையிரத சேவை இன்று (24) முதல் மீண்டும் ஆரம்பிக்கப்படவுள்ளதாக புகையிரதத் திணைக்களம் தெரிவித்துள்ளது.

இன்று (24) பிற்பகல் 3:50 மணிக்கு கொழும்பு கோட்டை புகையிரத நிலையத்திலிருந்து புறப்படும் இப்புகையிரதம் தலைமன்னாரை நோக்கிச் செல்லவுள்ளதுடன், நாளை (25) காலை 4:10 மணிக்கு தலைமன்னாரிலிருந்து மீண்டும் கொழும்பு கோட்டை புகையிரத நிலையம் நோக்கி இயக்கப்படவுள்ளது.

கடந்த வருடம் ஏற்பட்ட 'டித்வா' (Ditwah) சூறாவளி நிலைமை காரணமாக புகையிரதப் பாதைக்கு ஏற்பட்ட சேதங்கள் காரணமாக, அப்பாதை புனரமைக்கப்படும் வரை இப்புகையிரதச் சேவை தற்காலிகமாக நிறுத்தப்பட்டிருந்தது.

எனினும், குறித்த புகையிரதப் பாதை தற்போது முற்றிலுமாகப் புனரமைக்கப்பட்டுள்ளது.

இதற்கமைய, இன்று (24) முதல் கொழும்பு கோட்டையிலிருந்து தலைமன்னார் வரை மற்றும் தலைமன்னாரிலிருந்து கொழும்பு கோட்டை வரை நாளாந்தம் இப்புகையிரதச் சேவை இயக்கப்படும் எனப் புகையிரதத் திணைக்களம் குறிப்பிட்டுள்ளது.