மோகினி எல்ல பகுதிக்கு அருகில் பள்ளத்தில் விபத்துக்குள்ளானதில், பலத்த காயமடைந்து தீவிர சிகிச்சையிலிருந்த மூன்று பாடசாலை மாணவர்கள் டிக்ஓயா ஆதார வைத்தியசாலைக்கு மாற்றப்பட்டுள்ளனர்.
நல்லதண்ணி - மஸ்கெலியா பிரதான வீதியின் மோகினி எல்ல பகுதிக்கு அருகில், நல்லதண்ணியிலிருந்து மஸ்கெலியா நோக்கிப் பயணித்த முச்சக்கர வண்டியொன்று பள்ளத்தில் கவிழ்ந்து விபத்துக்குள்ளானதில், அதில் பயணித்த இருவர் உயிரிழந்துள்ளதுடன், மூன்று பாடசாலை மாணவர்கள் பலத்த காயமடைந்தனர்.
அவர்கள் மஸ்கெலியா பிரதேச வைத்தியசாலையில் அனுமதிக்கப்பட்டதன் பின்னர், நிலைமை தீவிரமாக இருந்ததால் திக்ஓயா ஆதார வைத்தியசாலைக்கு மாற்றப்பட்டுள்ளனர்.
இன்று (22) காலை 8:15 மணியளவில் இந்த விபத்து இடம்பெற்றுள்ளதுடன், அதிக வேகத்துடன் பயணித்த முச்சக்கர வண்டியின் சாரதியின் கட்டுப்பாட்டை இழந்து பள்ளத்தில் கவிழ்ந்தமையினாலேயே இந்த விபத்து சம்பவித்துள்ளதாக விபத்து தொடர்பில் விசாரணைகளை முன்னெடுத்து வரும் நல்லதண்ணி பொலிஸ் அதிகாரி ஒருவர் தெரிவித்துள்ளார்.
விபத்தில் உயிரிழந்தவர்கள் த்ரீவீலரின் சாரதி மற்றும் அதில் பயணித்த முதியவர் ஒருவர் என்றும், விபத்து இடம்பெற்ற வேளையில் த்ரீவீலரில் ஐந்து பேர் பயணித்துள்ளனர் என்றும் பொலிஸார் மேலும் தெரிவித்தனர்.