வைப்பதைத் தடுப்பதற்குத் தேவையான சட்ட ஏற்பாடுகளை அறிமுகப்படுத்துவதற்கு நடவடிக்கை எடுக்கப்படும் என வர்த்தக, வாணிப, உணவுப் பாதுகாப்பு மற்றும் கூட்டுறவு அபிவிருத்தி அமைச்சர் வசந்த சமரசிங்க தெரிவித்துள்ளார்.
நச்சு இரசாயனப் பொருட்களைப் பயன்படுத்தி பழுக்க வைக்கப்பட்ட பழங்கள் சந்தையில் விற்பனை செய்யப்படுவதாக நுகர்வோர் விவகார அதிகார சபைக்கு பல முறைப்பாடுகள் கிடைத்துள்ளதாக அவர் சுட்டிக்காட்டியுள்ளார்.
நுகர்வோர் விவகார அதிகாரசபையின் அதிகாரிகளின் பங்கேற்புடன் நடைபெற்ற கலந்துரையாடலன்றின் போதே அமைச்சர் வசந்த சமரசிங்க இதனைத் தெரிவித்துள்ளார்.
வாழைப்பழம், மாம்பழம் மற்றும் பப்பாளி போன்ற பழங்களுக்கு இவ்வாறான நச்சு இரசாயனப் பொருட்களைப் பயன்படுத்துவது சமூகத்தில் பாரியதொரு பிரச்சினையாக உருவெடுத்துள்ளதாகக் குறிப்பிட்ட அமைச்சர், அடுத்த கட்டமாக இவ்வாறான நச்சு இரசாயனங்களைப் பயன்படுத்தும் இடங்களைச் முற்றுகையிடுவதற்கு நடவடிக்கை எடுக்கப்படும் எனவும் தெரிவித்தார்.
உரிய விழிப்புணர்வுகள் வழங்கப்பட்டுள்ள நிலையிலும் வர்த்தகர்கள் இந்த நடைமுறையைத் தொடர்ந்து முன்னெடுத்துச் செல்வார்களாயின், அவர்களுக்கு எதிராக வழக்குத் தாக்கல் செய்ய நடவடிக்கை எடுக்கப்படும் என்றும் அமைச்சர் மேலும் குறிப்பிட்டார்.