மத்திய கிழக்கு பிராந்தியத்தில் தீவிரமடைந்து வரும் யுத்த சூழ்நிலை காரணமாக ஸ்ரீலங்கன் ஏயர்லைன்ஸ் (SriLankan Airlines) நிறுவனம் குவைத் நாட்டிற்கான தனது விமானச் சேவைகளைத் தற்காலிகமாக இடைநிறுத்தியுள்ளதாக இலங்கை சிவில் விமானப் போக்குவரத்து அதிகாரசபை (CAA) அறிவித்துள்ளது.
இதற்கமைய, நேற்று 20ஆம் திகதி முதல் ஜூலை 26ஆம் திகதி வரை குவைத் நாட்டிற்கு மேற்கொள்ளப்படும் அனைத்து விமானச் சேவைகளும் தற்காலிகமாக இடைநிறுத்தப்பட்டுள்ளன.
இது தொடர்பான மேலதிக தகவல்களுக்கு 1979 என்ற உடனடித் தொலைபேசி இலக்கத்துடனோ அல்லது +94 11 777 1979 / +94 74 444 1979 ஆகிய வாட்ஸ்அப் (WhatsApp) இலக்கங்களுக்கு குறுஞ்செய்தி (SMS) அனுப்புவதன் மூலமாகவோ தொடர்புகொள்ள முடியும்.
அல்லது ஸ்ரீலங்கன் ஏயர்லைன்ஸ் நிறுவனத்தின் உத்தியோகபூர்வ இணையத்தளத்திற்குச் பிரவேசிப்பதன் மூலம் மேலதிக விபரங்களைப் பெற்றுக்கொள்ள முடியும்.