அரசாங்கம் 1,033 பில்லியன் ரூபாவை கடனாகப் பெற்றுள்ளதாக பேராதனைப் பல்கலைக்கழகத்தின் பொருளாதாரம் மற்றும் புள்ளிவிபரவியல் பிரிவின் பேராசிரியர் திரு.வசந்த அத்துகோரள தெரிவித்துள்ளார்.
உள்நாட்டில் பெற்ற கடன்களை செலுத்துவதற்கு கடன்களை பெற்றுக் கொள்வதன் மூலம் எதிர்காலத்தில் பிரச்சினைக்குரிய சூழ்நிலை உருவாகும் என அவர் சுட்டிக்காட்டியுள்ளார்.
“தற்போது, அரச திறைசேரி உண்டியல்கள் மற்றும் அன்பளிப்புகள் மூலம் பெறப்பட்ட கடன் தொகையில் எந்தக் குறைவும் காணப்படவில்லை. ஜனவரி முதல் பெப்ரவரி 15 வரையான காலப்பகுதியில் அரசாங்கம் திறைசேரி உண்டியல்கள் மற்றும் பத்திரங்கள் மூலம் சுமார் 1,033 ரூபா கடனாகப் பெற்றுள்ளமை எமக்குத் தெளிவாகத் தெரிகிறது. இந்தக் கடனில் அரசாங்கம் திறைசேரி உண்டியல்களில் 812 ரூபாயையும் திறைசேரிப் பத்திரங்களில் 221 ரூபாயையும் கடனாகப் பெற்றுள்ளது. பொதுவாக, கடந்த காலத்தில் திறைசேரி பில்கள் மற்றும் பத்திரங்களில் இருந்து பெற்ற கடனைச் செலுத்த அரசாங்கம் இந்தக் கடன் பணத்தை இப்படித்தான் பெற வேண்டும்” என்றும் அவர் குறிப்பிட்டுள்ளார்.
அது தொடர்பில் மேலும் கருத்து தெரிவித்த பேராசிரியர் வசந்த அத்துகோரள, வெளிநாட்டு கடனை செலுத்த தவறிய அரசாங்கம் உள்நாட்டு கடன் பொறியிலும் சிக்கியுள்ளதாக குறிப்பிட்டார்.
“அரசாங்கம் வெளிநாட்டுக் கடனைத் திருப்பிச் செலுத்தாமல், உள்நாட்டில் கடன் வாங்குவதைத் தொடர்வதால், அரசாங்கம் இப்போது உள்நாட்டுக் கடன் வலையில் சிக்கியிருக்கிறது. இதனால், ஆண்டுதோறும் நிறைய வட்டி செலுத்த வேண்டியிருக்கிறது.
“இந்தக் கடனையும் வட்டியையும் பற்றி யோசிப்பது எதிர்காலத்தில் விதிக்கப்படும் வரியாகக் கருதலாம். ஏனென்றால், கடைசியில் அரசாங்கம் எடுக்கும் கடனையும் வட்டியையும் மக்கள்தான் செலுத்த வேண்டும்” என, அவர் மேலும் குறிப்பிட்டுள்ளார்.