இந்தப் போராட்டத்தில் கலந்துகொண்டவர்களின் விபரங்கள், ஏற்பாட்டாளர்களின் செயற்பாடுகள் ஆகியவற்றை புலனாய்வுத்துறையினர் தீவிரமாக கண்காணிக்க ஆரம்பித்துள்ளதாக அந்தப் போராட்டத்தை ஏற்பாடு செய்தவர்கள் தெரிவித்தனர்.
குறித்த போராட்டப் பேரணி வட்டுவாகல் பாலத்தை வந்தடைந்த போது, தீப்பந்தங்களை ஏந்தியவாறு தமது குமுறல்களை வெளிப்படுத்தியிருந்தனர்.
“சர்வதேச விசாரணை வேண்டும்” - “ எமது கடல் எமக்கு வேண்டும்” - “ வேண்டும் வேண்டும் நீதி வேண்டும்” - “ எங்கே எங்கே உறவுகள் எங்கே” - “குடும்பம் குடும்பமாக கையளிக்கப்பட்ட உறவுகள் எங்கே” - “வைத்தியசாலைகளில் இருந்து காணாமால் போன உறவுகள் எங்கே” - முள்ளிவாய்காலில் இருந்து கடத்திச் செல்லப்பட்ட உறவுகள் எங்கே” - “விசாரணைக்கு என்று அழைத்துச் செல்லப்பட்ட உறவுகள் எங்கே” - “குழந்தைகளோடு ஒப்படடைக்கப்பட்ட உறவுகள் எங்கே” - “இன அழிப்பும் கொடூர யுத்தமும் முடிந்த பிற்பாடு கையளிக்கப்பட்ட உறவுகள் எங்கே” - போன்ற கோசங்களை எழுப்பியவாறு பேரணியை முன்னெடுத்துள்ளனர்.
பெப்ரவரி 4ஆம் திகதி வடக்கு கிழக்கிலுள்ள தமிழர்களுக்கு சுதந்திர தினம் அல்ல கரிநாள் என்ற தொனியில் பல இடங்களிலும் பேரணிப் போராட்டம் இடம்பெற்றுள்ளமை குறிப்பிடத்தக்கது.
தமிழ் லீடர் செய்திகளை வாட்ஸ்ஆப்பில் பெற கீழே உள்ள லிங்க் மூலம் இணையுங்கள்.
https://chat.whatsapp.com/GZOGo5j8CI1KyIL2UwXAMe