மக்கள் இப்போது வாழ்வதற்கு கடும் சிரமப்படுவதாக சமூக ஊடகங்கள் செய்தி வெளியிட்டுள்ளன. கொரோனாவிற்கு எதிரான நடவடிக்கையில் அரசாங்கம் ஊரடங்கு சட்டம் பிறப்பித்துள்ளதால் மக்களின் அன்றாட நடவடிக்கைகள் பாதிக்கப்பட்டுள்ளன இதனால் மக்கள் பெரும் பொருளாதாரச்சுமைக்கு உட்பட்டுள்ளார்கள்.
அரசாங்கம் தேர்தலைப்பற்றி யோசித்துக்கொண்டிருந்தததே தவிர கொரோனா வைரஸைக்கட்டுப்படுத்துவதற்கு சரியான நேரத்தில் உறுதியான முடிவை எடுக்கத்தவறிவிட்டதாக சமூக ஊடக ஆர்வலர்கள் விமர்சனம் தெரிவித்துள்ளனர். முன்னாள் பாராளுமன்ற உறுப்பினரும் சிரேஸ்ட ஊடகவியலாளருமான சட்டத்தரணி தினேஷ் தொடங்கொட தனது முகப்புத்தகத்தில் இவ்வாறு குறிப்பிட்டுள்ளார்.