மற்றும் போதைப்பொருள் கடத்தல்காரர்களுள் சர்வதேச சிவப்பு எச்சரிக்கை (Red Notice) விடுக்கப்பட்டுள்ள 73 பேரை எதிர்காலத்தில் நாட்டிற்கு அழைத்து வர நடவடிக்கை எடுக்கப்படும் எனப் பொலிஸ் மா அதிபர் பிரியந்த வீரசூரிய தெரிவித்துள்ளார்.
கண்டியில் இன்று (15) ஊடகங்களுக்குக் கருத்துத் தெரிவிக்கும்போதே பொலிஸ் மா அதிபர் இதனைத் தெரிவித்தார். மேலும் நூற்றுக்கு நெருதமானவர்கள் தொடர்பாக விசாரணைகள் நடத்தப்பட்டு வருவதாகவும் அவர் குறிப்பிட்டார.
அத்துடன், நாட்டில் முன்னெடுக்கப்பட்டு வரும் குற்றச் செயல்கள் மற்றும் போதைப்பொருள் ஒழிப்புத் திட்டங்களின் வெளிப்படைத்தன்மை மற்றும் முன்னேற்றம் காரணமாக வெளிநாடுகள் மற்றும் தூதரகங்களின் சிறப்புப் பாராட்டும் உயர்மட்ட ஒத்துழைப்பும் கிடைத்துள்ளதாகப் பொலிஸ் மா அதிபர் பிரியந்த வீரசூரிய சுட்டிக்காட்டினார்.
இந்தச் நடவடிக்கைகளை நிறுத்துமாறு எவ்வித வெளிப்புற அழுத்தங்களோ அல்லது அச்சுறுத்தல்களோ வரவில்லை என்றும், தொடர்ந்தும் சோதனைகளை நடத்துமாறு மட்டுமே கோரிக்கைகள் கிடைப்பதாகவும் பொலிஸ் மா அதிபர் இங்கு தெரிவித்தார்.
இருப்பினும், இந்தச் கடத்தல்களுக்கு நிதியளித்து முதலீடு செய்த மற்றும் உடந்தையாக இருந்த தரப்பினர் தற்போது கடும் அதிர்ச்சியடைந்துள்ளதாக அவதானிக்க முடிகிறது என்றும் பிரியந்த வீரசூரிய கூறினார்.
சில அரசியல்வாதிகள் தன் குறித்து வெளியிடும் அறிக்கைகள் தொடர்பாகத் தனக்கு எவ்வித அச்சமும் இல்லை என்றும், எந்தவொரு சவாலையும் எதிர்கொள்ளத் தயார் என்றும் பொலிஸ் மா அதிபர் இங்கு வலியுறுத்தினார்.
தான் எந்தவொரு சமூக அநீதியையோ அல்லது அழிவையோ செய்யாததால், சிறப்புப் பாதுகாப்பு இல்லாவிட்டாலும் நாட்டின் ஒரு முனையிலிருந்து மறு முனைக்குச் செல்லும் திறன் தமக்கு இருப்பதாகப் பொலிஸ் மா அதிபர் பிரியந்த வீரசூரிய தெரிவித்தார்.
மேலும், பொதுமக்கள் மத்தியில் செல்ல முடியாத நிலை ஏற்பட்டுள்ளது தனக்கல்ல என்றும், சமூகத்திற்குப் பொய் கூறி அழிவுகளை ஏற்படுத்திய அரசியல்வாதிகளுக்கே என்றும் பொலிஸ் மா அதிபர் மேலும் கூறினார்.
அங்கு தொடர்ந்து கருத்துத் தெரிவித்த பொலிஸ் மா அதிபர் பிரியந்த வீரசூரிய:
"மேலும் 73 சிவப்பு எச்சரிக்கை விடுக்கப்பட்டவர்களை அழைத்து வரவுள்ளோம். மேலும் நூற்றுக்கு நெருதமானவர்கள் இருப்பதாக நம்பப்படுகிறது. அதேபோன்று நமக்கு நல்ல சர்வதேச ஒத்துழைப்பும் கிடைத்துள்ளது. அத்துடன் நாம் முன்னெடுக்கும் திட்டங்களின் வெளிப்படைத்தன்மை மற்றும் அது தொடர்பான முன்னேற்றம் காரணமாக வெளிநாட்டுத் தூதரகங்கள் மற்றும் நாடுகளின் சிறப்புப் பாராட்டு நமக்குக் கிடைத்துள்ளது."