தேசிய டெங்கு கட்டுப்பாட்டுப் பிரிவு வெளியிட்டுள்ள அண்மைய தரவுகளின்படி, இவ்வருடத்தில் இதுவரை மொத்தம் 91,059 டெங்கு நோயாளர்கள் அடையாளம் காணப்பட்டுள்ளனர்.
பதிவாகியுள்ள மொத்த நோயாளர்களில் 52.98%, அதாவது 48,244 நோயாளர்கள் மேல் மாகாணத்திலேயே அடையாளம் காணப்பட்டுள்ளனர்.
மாவட்ட மட்டத்தில் அதிகபட்ச பாதிப்பு கம்பஹா மாவட்டத்திற்கே ஏற்பட்டுள்ளதுடன், அங்கு 19,406 நோயாளர்கள் (21.31%) பதிவாகியுள்ளனர். கொழும்பு மாவட்டத்தில் 18,101 நோயாளர்களும் (19.88%), கண்டி மாவட்டத்தில் 6,491 நோயாளர்களும் (7.13%) அடையாளம் காணப்பட்டுள்ளனர்.
அத்துடன், கடந்த ஜூலை மாதத்திலேயே அதிக அளவிலான நோயாளர்கள் பதிவாகியுள்ளதுடன், அந்த எண்ணிக்கை 29,971 ஆகும். அதேவேளை, ஆகஸ்ட் மாதத்தில் கடந்துபோன சில நாட்களில் மட்டும் 5,714 நோயாளர்கள் கண்டறியப்பட்டுள்ளனர்.
எவ்வாறாயினும், 119 சுகாதார மருத்துவ அதிகாரி பிரிவுகள் (MOH Areas) தொடர்ந்து டெங்கு அதி-அபாய வலயங்களாகச் சுகாதாரத் துறையினரால் பெயரிடப்பட்டுள்ளன.