ரயில் (Intercity Express) சேவையை வாரத்திற்கு நான்கு நாட்களுக்கு மாத்திரம் வரையறுப்பதற்கு ரயில்வே திணைக்களத்தினால் முன்னர் எடுக்கப்பட்டிருந்த தீர்மானம் மாற்றியமைக்கப்பட்டு, நாளை (14) முதல் மீண்டும் வழமை போல் சேவையில் ஈடுபடுத்துவதற்கு நடவடிக்கை எடுக்கப்பட்டுள்ளது.
ரயில் என்ஜின்கள் மற்றும் உபகரணங்களின் (Power Sets) தட்டுப்பாடு காரணமாக, செவ்வாய் மற்றும் வியாழக்கிழமைகளில் இந்த ரயிலின் சேவையை தற்காலிகமாக நிறுத்துவதற்கு ரயில்வே நிர்வாகம் முன்னதாகத் தீர்மானித்திருந்தது.
இருப்பினும், இந்த வாராந்த கட்டுப்பாடுகள் காரணமாக வடக்கிற்கான ரயில் பாதையைப் பயன்படுத்தும் பயணிகள் பெரும் அசௌகரியங்களுக்கும் பாதிப்புகளுக்கும் உள்ளாக நேரிடும் என்பதை ரயில்வே தொழிற்சங்கங்கள் திணைக்கள அதிகாரிகளுக்கு சுட்டிக்காட்டியிருந்தன.
இவ்விடயங்களைக் கருத்திற் கொண்டு, முன்னர் ரத்துச் செய்யப்பட்டிருந்த செவ்வாய் மற்றும் வியாழக்கிழமைகளிலும் இந்த நகராந்தர அதிவிரைவு ரயிலை நாளை முதல் நடைமுறைக்கு வரும் வகையில் மீண்டும் சேவையில் இணைத்துக்கொள்ள ரயில்வே அதிகாரிகள் நடவடிக்கை எடுத்துள்ளனர்.
இதற்கமைய, பயணிகள் எவ்வித தடையுமின்றி வாரத்தின் அனைத்து நாட்களிலும் இந்த ரயில் சேவையை வழமை போன்று பெற்றுக்கொள்ள முடியும் எனத் தெரிவிக்கப்படுகிறது.