தொற்றியுள்ளதாகவும், அவர்களில் 5 மாணவர்கள் வைத்தியசாலையில் அனுமதிக்கப்பட்டு சிகிச்சை பெற்று வருவதாகவும் பல்கலைக்கழகத்தின் உபவேந்தர் பேராசிரியர் இந்திக்க கருணாதிலக்க தெரிவித்துள்ளார்.
அடையாளம் காணப்பட்ட டெங்கு நோயாளர்களில் பெரும்பாலானோர் கலைப்பீடத்தைச் சேர்ந்தவர்கள் என்பதால், மாணவர்களின் கல்வி நடவடிக்கைகளைக் கருத்திற்கொண்டு, ஒரு வார காலத்திற்கு சில பீடங்களின் விரிவுரைகளை மாத்திரம் ஒன்லைன் (Online) மற்றும் ஹைபிரிட் (Hybrid) முறைகளில் நடத்துவதற்கு பல்கலைக்கழக நிர்வாகம் தீர்மானித்துள்ளதாக உபவேந்தர் குறிப்பிட்டுள்ளார்.
டெங்கு பரவலைக் கட்டுப்படுத்துவதற்காக பல்கலைக்கழகத்தினால் பல தற்காப்பு நடவடிக்கைகள் எடுக்கப்பட்டுள்ளதாகவும், வைத்தியசாலையில் அனுமதிக்கப்பட்டுள்ள மாணவர்களின் உடல்நிலை குறித்து தொடர்ச்சியாகக் கண்காணிக்கப்பட்டு வருவதாகவும் பேராசிரியர் இந்திக்க கருணாதிலக்க மேலும் கூறியுள்ளார்.
டெங்கு நோய் ஏற்பட்டால் பூரண ஓய்வு அவசியமாகும் என்பதால், மாணவர்களின் நலன் கருதியே விரிவுரைகளை ஒன்லைன் ஊடாக நடத்தத் தீர்மானித்ததாக அவர் சுட்டிக்காட்டினார்.
தற்போது பல்கலைக்கழகத்திற்குள் நிலவும் நிலைமை கட்டுப்பாட்டுக்குள் கொண்டுவரப்பட்டுள்ளதாகக் குறிப்பிட்ட உபவேந்தர், காய்ச்சல் போன்ற அறிகுறிகள் தென்பட்டால் உடனடியாக உரிய மருத்துவ ஆலோசனைகளைப் பின்பற்றுமாறு மாணவர்களிடம் கேட்டுக்கொண்டுள்ளார்.
இதேவேளை, தற்போதைய சூழ்நிலையில் பல்கலைக்கழகம் எந்தவொரு வகையிலும் மூடப்படவில்லை என்பதை வலியுறுத்திய உபவேந்தர், பல்கலைக்கழகத்தை மூடும் எண்ணம் எதுவும் இல்லை என்றும் திட்டவட்டமாகத் தெரிவித்தார்.