அயர்லாந்து உளவியல் சங்கத்தின் உயரிய கௌரவத்தைப் பெற்ற முதலாவது இலங்கையர் கலாநிதி அன்டன் ஜேம்ஸ்!

அயர்லாந்திலும் கலாநிதி அன்டன் ஜேம்ஸுக்கு அரிய ‘Fellow’ உறுப்பினர் அந்தஸ்து.

இலங்கையின் சிறப்புத் தேவைகளைக் கொண்ட குழந்தைகளின் கல்விச் சேவைக்கு சர்வதேச அங்கீகாரம்.

இலங்கை உளவியல் வரலாற்றில் ஒரு விசேட மைல்கல்லைப் பதித்து, அயர்லாந்து உளவியல் சங்கம் (Psychological Society of Ireland – PSI) வழங்கும் மிகவுயர்ந்த தொழில்சார் கௌரவமான ‘Fellow’ உறுப்பினர் அந்தஸ்தை கலாநிதி அன்டன் ஜேம்ஸ் பெற்றுள்ளார்.

அயர்லாந்து உளவியல் சங்கத்தினால் இலங்கை உளவியலாளர் ஒருவருக்கு இந்தப் பட்டம் வழங்கப்பட்ட முதல் சந்தர்ப்பம் இதுவென்பதுடன், உளவியல் துறையில் அவரது சிறந்த அறிவாற்றல், தொடர்ச்சியான மற்றும் குறிப்பிடத்தக்க பங்களிப்பைக் கருத்தில் கொண்டே இந்த உறுப்பினர் அந்தஸ்து வழங்கப்பட்டுள்ளது.

சர்வதேச சமூகத்தின் வெதுவெதுப்பான வாழ்த்துகள்

இந்த சாதனையை முன்னிட்டு இலங்கைகான அயர்லாந்து தூதுவர் கெவின் கெல்லி (Kevin Kelly) கலாநிதி அன்டன் ஜேம்ஸுக்கு தனது தனிப்பட்ட வாழ்த்துகளைத் தெரிவித்துள்ளார்.

அயர்லாந்து உளவியல் சங்கத்தின் தலைவி கலாநிதி சாரா கேசிடி (Dr. Sarah Cassidy) சுட்டிக்காட்டுகையில்; கலாநிதி அன்டன் ஜேம்ஸ் நடத்தை உளவியலுக்காக (Behaviour Psychology) ஆற்றிய விசேட அர்ப்பணிப்பும், இலங்கையின் சிறப்புத் தேவைகள் கொண்ட கல்வித் துறையில் அவர் ஆற்றிய மாற்றத்தக்க பங்களிப்புமே இந்த அங்கீகாரத்திற்குக் காரணம் எனத் தெரிவித்தார். அவரது மருத்துவ தலைமைத்துவமும் உலகளாவிய பங்களிப்பும் சர்வதேச உளவியல் சமூகத்தால் பெரிதும் பாராட்டப்பட்டுள்ளது.