இன்று (06) முதல் நடைமுறைக்கு வருகிறது.
இந்தக் கட்டண திருத்தத்தின்படி, பஸ் கட்டணங்களை 12 சதவீதத்திலிருந்து 20 சதவீதம் வரை அதிகரிப்பதற்கு தேசிய போக்குவரத்து ஆணைக்குழு அண்மையில் அனுமதி வழங்கியிருந்தது.
இதற்கமைய, இதுவரை காலம் 30 ரூபாவாக காணப்பட்ட ஆகக்குறைந்த பஸ் கட்டணம் 34 ரூபாவாக அதிகரிக்கப்பட்டுள்ளதுடன், இதற்கு இணையாக சொகுசு பஸ் கட்டணங்களும், அதிவேக நெடுஞ்சாலைகளுக்கான (Expressway) பஸ் கட்டணங்களும் அதிகரிக்கப்பட்டுள்ளன.
அமுலுக்கு வரும் புதிய பஸ் கட்டண திருத்தம் குறித்து பஸ் ஊழியர்களுக்கு தெளிவுபடுத்தப்பட்டுள்ளதுடன், பயணச்சீட்டு வழங்கும் இயந்திரங்களை புதிய கட்டணங்களுக்கு அமைய தரப்படுத்துமாறும் அறிவுறுத்தப்பட்டுள்ளது.
இது தொடர்பான நாடளாவிய ரீதியிலான சோதனை நடவடிக்கைகள் இன்று முதல் முன்னெடுக்கப்படவுள்ளதாக தேசிய போக்குவரத்து ஆணைக்குழு குறிப்பிட்டுள்ளது.
எவ்வாறாயினும், பயணச்சீட்டு வழங்கும் இயந்திரங்களை புதிய கட்டணங்களுக்கு அமைய தரப்படுத்துவதற்கு இன்னும் இரண்டு நாட்கள் வரை செல்லலாம் என இலங்கை தனியார் பஸ் உரிமையாளர்கள் சங்கத்தின் தலைவர் கெமுனு விஜேரத்ன தெரிவித்துள்ளார்.