முன்னாள் கடற்படைத் தளபதி வசந்த கரன்னாகொட கைது!

பதவியைக் கொண்டவருமான வசந்த கரன்னாகொட, லஞ்ச ஊழல் ஒழிப்பு ஆணைக்குழுவினால் இன்று (03) கைது செய்யப்பட்டுள்ளார்.

கடந்த 2006ஆம் ஆண்டு ஸ்ரீலங்கா கடற்படையின் நிறைவேற்றுப் பிரிவுக்கு (Executive Branch) கடற்படை அதிகாரப் பயிற்சிப் பேராளர்களை (Cadet Officers) இணைத்துக்கொண்ட போது, தகைமைகளைப் பூர்த்தி செய்யாதிருந்த யோஷித ராஜபக்ஷவை சட்டவிரோதமான முறையில் இணைத்துக்கொண்டதாக வசந்த கரன்னாகொட மீது குற்றம் சுமத்தப்பட்டுள்ளது.

அத்துடன், அப்போதிருந்த நடைமுறைகளை மீறி, அரசாங்கத்தின் பெருமளவிலான நிதியைச் செலவிட்டு, பிரித்தானியாவின் ராயல் கடற்படைக் கல்லூரியில் (Royal Naval College) யோஷித ராஜபக்ஷவிற்கு பயிற்சிப் பாடநெறி ஒன்றில் பங்கேற்பதற்கான வாய்ப்பை ஏற்படுத்திக் கொடுத்தமை தொடர்பிலும் இவருக்கு எதிராக ஊழல் குற்றச்சாட்டுகள் சுமத்தப்பட்டுள்ளன.

இந்தக் குற்றச்சாட்டுகள் தொடர்பில் விசாரணைகளை மேற்கொண்டு வந்த லஞ்ச ஊழல் ஒழிப்பு ஆணைக்குழுவின் விசாரணை அதிகாரிகளினால், முன்னாள் கடற்படைத் தளபதி வசந்த கரன்னாகொட இன்று முற்பகல் 10.05 மணியளவில் ஆணைக்குழு வளாகத்தில் வைத்து கைது செய்யப்பட்டுள்ளார்.

கைது செய்யப்பட்டுள்ள சந்தேகநபரான வசந்த கரன்னாகொட, கொழும்பு பிரதான நீதவான் நீதிமன்றத்தில் ஆஜர்படுத்தப்படவுள்ளதாக லஞ்ச ஊழல் ஒழிப்பு ஆணைக்குழு மேலும் தெரிவித்துள்ளது.