நீர்க் கட்டணம் தொடர்பில் அரசாங்கத்தின் தீர்மானம்!

மேற்கொள்ளப்பட மாட்டாது என வீடமைப்பு, நிர்மாணத்துறை மற்றும் நீர்வழங்கல் அமைச்சர் சுசில் ரணசிங்க தெரிவித்துள்ளார்.

வருடத்தின் முதல் ஆறு மாதங்களில் நீரை சுத்திகரிக்கும் பணிகளுக்காக நீர் வழங்கல் சபைக்கு பெருமளவிலான செலவுகள் ஏற்படவில்லை என அமைச்சர் குறிப்பிட்டுள்ளார். இதற்கமைய, நீர்க்கட்டணங்களை அதிகரிப்பதற்கான எந்தவொரு தேவையும் எழவில்லை என அமைச்சர் சுசில் ரணசிங்க மேலும் தெரிவித்துள்ளார்.

வருடாந்தம் ஆறு மாதங்களுக்கு ஒருமுறை நீர்க்கட்டண திருத்தம் மேற்கொள்ளப்படும் அதேவேளை, இவ்வருடத்தின் முதல் 6 மாத காலப்பகுதியிலும் நீர்க்கட்டண திருத்தம் எதனையும் மேற்கொள்ளாதிருக்க அரசாங்கம் நடவடிக்கை எடுத்திருந்தது.

ஜூலை முதலாம் திகதி முதல் டிசம்பர் 31ஆம் திகதி வரையான அடுத்த 6 மாத காலப்பகுதிக்குள் நீர்க்கட்டணங்கள் அதிகரிக்கப்படுமா என்பது குறித்து 'அத தெரண' எழுப்பிய கேள்விக்கு பதிலளித்த அமைச்சர் சுசில் ரணசிங்க பின்வருமாறு குறிப்பிட்டார்:

"இந்த 6 மாத காலத்தில் செலவீனங்கள் எவ்வளவு அதிகரித்துள்ளன என்பது குறித்து எமக்கு ஒரு தெளிவு உள்ளது. பிரதானமாக 18 சதவீத மின்சாரக் கட்டண அதிகரிப்பு மாத்திரமே ஏற்பட்டுள்ளது. எரிபொருள் விலை அதிகரிப்பானது நீரை சுத்திகரிக்கும் பணிகளுக்கு உண்மையில் எவ்வித தாக்கத்தையும் ஏற்படுத்தாது, மின்சாரக் கட்டண உயர்வே செல்வாக்கு செலுத்துகின்றது.

இருப்பினும், நீர்க்கட்டணத்தின் மொத்த செலவீனத்தில் மின்சாரக் கட்டணமானது 12 சதவீத பங்கையே கொண்டுள்ளது. எனவே, அந்தப் பகுதி மாத்திரமே 18 சதவீதத்தால் அதிகரித்துள்ளது.அது ஒரு அலகு நீருக்கு (Water Unit) சுமார் 2.50 ரூபா போன்ற ஒரு சிறிய தொகையாகவே அமையும். இதன் காரணமாக, இந்த 6 மாத காலப்பகுதியில் செலவீனங்களின் தாக்கம் மிகக் குறைவாகவே காணப்படுகின்றது. எனவே, பெரும்பாலும் அடுத்த 6 மாத காலத்திற்கும் நீர்க்கட்டணத்தில் எவ்வித திருத்தங்களும் ஏற்படாதிருக்கவே வாய்ப்புள்ளது."