நடத்தப்பட்டுவந்த NEXT ஆடைத் தொழிற்சாலை திடீரென மூடப்பட்டுள்ளது.
இந்த தொழிற்சாலையின் நிர்வாகம் முன்னறிவிப்பு இன்றி நிறுவனத்தை மூட நடவடிக்கை எடுத்துள்ளதால், சுமார் 2.000 ஊழியர்கள் கடும் நெருக்கடிக்குள்ளாகியுள்ளனர். தொழிற்சாலை தற்போது பூட்டப்பட்டுள்ள நிலையில், பாதுகாப்பு பணியாளர்கள் மட்டுமே அங்கு உள்ளதாக தெரிவிக்கப்படுகிறது. இதன் காரணமாக, அங்கு பணிபுரிந்த ஊழியர்கள் எதிர்கால நடவடிக்கைகள் குறித்து அறியாமல், உதவியற்ற நிலையில் உள்ளதாக தெரிவிக்கப்படுகிறது.
உற்பத்திச் செலவுகளைத் தாங்கிக்கொள்ள முடியாததாலும், பல வருடங்களாக இலாபம் ஈட்ட முடியாததாலும், நேற்று (20) முதல் காலவரையின்றி இந்தத் தொழிற்சாலை மூடப்படுவதாக அறிவிக்கப்பட்டுள்ளது.
கட்டுநாயக்க சுதந்திர வர்த்தக வலயத்தில் உள்ள நெக்ஸ்ட் ஆடைத் தொழிற்சாலை மூடப்பட்ட நேரத்தில், சுமார் இரண்டாயிரம் ஊழியர்கள் அங்கு பணிபுரிந்து வந்தனர்.
1978 முதல் செயல்பட்டு வந்த இந்த தொழிற்சாலை, இங்கிலாந்தில் ஒரு முதலீட்டு திட்டமாகும். அங்கு உற்பத்தி செய்யப்படும் ஆடைகள் இலண்டனுக்கு ஏற்றுமதி செய்யப்பட்டதாக அதன் ஊழியர்கள் கூறுகின்றனர். இலங்கையில் தற்போதைய உற்பத்தி செலவுகள் இனி நிலையானதாக இல்லாததால், இந்த தொழிற்சாலையை மூட முடிவு செய்யப்பட்டுள்ளதாக, ஊழியர்களுக்கு நிர்வாகம் வழங்கிய ஆவணத்தில் தெரிவித்துள்ளது.
கட்டுநாயக்கவில் உள்ள நெக்ஸ்ட் தொழிற்சாலை மூடப்பட்டிருந்தாலும், அதன் பிற உற்பத்தி நிலையங்களான ஆண்டிகம மற்றும் நவகத்தேகமவில் உற்பத்தி நடவடிக்கைகள் வழக்கம் போல் தொடர்கின்றன என்று கூறப்பட்டுள்ளது. மேலும், இந்த நிறுவனத்தின் கொழும்பு கொள்முதல் அலுவலகம் மற்றும் செயல்பாடுகள் பாதிக்கப்படாது என்பதையும் அறிவித்திருக்கிறது.
நிறுவனம் மூடப்பட்டதால் வேலை இழக்கும் ஊழியர்களுக்கு சட்டத்தால் வழங்கப்பட்ட பிற உரிமைகளுடன் கூடுதலாக குறைந்தபட்சம் இரண்டு மாத சம்பளம் வழங்கப்படும். கூடுதலாக, சேவை ஆண்டுகளின் எண்ணிக்கையின் அடிப்படையில் இழப்பீடு எவ்வாறு வழங்கப்படும் என்றும், ஊழியர்களுக்கு வழங்கப்பட்டுள்ள கடிதத்தில் குறிப்பிடப்பட்டுள்ளது.
மேலும், வேலையை விட்டு வெளியேறும் ஊழியர்கள் மாத இறுதி வரை பணிக்கு வர வேண்டியதில்லை என்றும், இந்த மாத சம்பளம் வழக்கம் போல் உரிய திகதியில் வழங்கப்படும் என்றும் நிர்வாகம் அறிவித்துள்ளது.
நெக்ஸ்ட் ஊழியர்களுக்கு அனுப்பிய கடிதத்தில், நிலுவையில் உள்ள அனைத்து விடுமுறை ஊதியம், அனைத்து பணிக்கொடை கொடுப்பனவுகள் மற்றும் அனைத்து உற்பத்தி மற்றும் வருகை போனஸ்களும் சம்பந்தப்பட்ட நபர்களுக்கு வழங்கப்படும் என்றும் குறிப்பிடப்பட்டுள்ளது.
எதிர்வரும் நாட்களில் பணிநீக்கம் செய்யப்படவுள்ள ஊழியர்களுக்கு அவர்களின் நிலை குறித்து தெரிவிக்கப்படும் என்றும், முறையான பணிநீக்க செயல்முறை மற்றும் பணம் செலுத்தும் காலக்கெடு குறித்த விவரங்கள் அவர்களுக்கு வழங்கப்படும் என்றும் அந்தக் கடிதத்தில் மேலும் குறிப்பிடப்பட்டுள்ளது.
தொழிற்சாலை தற்போது பூட்டியே கிடக்கிறது என்றும் பாதுகாப்பு அதிகாரிகள் மட்டுமே உள்ளனர் என்றும், தொழிற்சாலைக்குள் பொறுப்பான அதிகாரி யாரும் இல்லை என்றும் பாதுகாப்பு அதிகாரிகள் தெரிவித்தனர்.