அரசாங்கத்தினால் நாடாளுமன்றத்தில் சமர்ப்பிக்கப்பட்டுள்ள ஒழுங்கமைக்கப்பட்ட குற்றங்களைத் தடுக்கும் சட்டமூலத்தின் சில வாசகங்கள் அரசியலமைப்பிற்கு முரணானவை எனத் தீர்ப்பளிக்குமாறு கோரி தாக்கல் செய்யப்பட்டுள்ள மனுக்கள் இன்று (09) உச்ச நீதிமன்றத்தில் மீண்டும் விசாரணைக்கு எடுத்துக்கொள்ளப்படவுள்ளன.
தலைமை நீதிபதி பிரீதி பத்மன் சூரசேன, வெங்களப்புலி மற்றும் சம்பத் ஆகியோரைக் கொண்ட முப்பதவிகள் அடங்கிய உச்ச நீதிமன்ற நீதிபதிகள் குழாம் முன்னிலையில் இம் மனுக்கள் விசாரணைக்கு எடுத்துக்கொள்ளப்படவுள்ளன.
இம் மனுக்கள் கடந்த முறை அழைக்கப்பட்டபோது, தொடர்புடைய சட்டமூலம் தொடர்பாக முன்மொழியப்பட்ட திருத்தங்கள் ஏதேனும் இருப்பின் அவற்றை எழுத்து மூலமான உரைகள் (Written Submissions) வழியாகச் சமர்ப்பிக்க நடவடிக்கை எடுக்குமாறு நீதிமன்றம் மனுதாரர் தரப்புக்கு அறிவித்திருந்தது.
அதற்கமைய, சட்டத்தரணிகளால் தமது எழுத்து மூலமான உரைகள் கடந்த வியாழக்கிழமை நீதிமன்றத்தில் சமர்ப்பிக்கப்பட்டிருந்தன.
இதனைத் தொடர்ந்து, இம் மனுக்கள் மீதான விசாரணை இன்று இரண்டாவது நாளாக மீண்டும் ஆரம்பிக்கப்படவுள்ளது.
தொடர்புடைய சட்டமூலத்தைச் சவாலுக்கு உட்படுத்தி உச்ச நீதிமன்றத்தில் 26 மனுக்கள் தாக்கல் செய்யப்பட்டுள்ளமை குறிப்பிடத்தக்கது.