பொலன்னறுவை வைத்தியசாலைக்கு இணைக்கப்பட்ட விசேட வைத்திய நிபுணர் ஒருவர், வெள்ளிக்கிழமை (06) மின்னேரியில் தான் ஓட்டிச் சென்ற கார் எதிரே வந்த டிப்பர் லொறியுடன் மோதிய விபத்தில் உயிரிழந்துள்ளார்.
பொலன்னறுவை - ஹபரணை பிரதான வீதியில் 39 ஆவது கிலோமீட்டர் தூண் அருகே மாலையில் இக் விபத்து இடம்பெற்றுள்ளதாகப் பொலிஸார் தெரிவித்தனர்.
மின்னேரியிலிருந்து ஹபரணை நோக்கிச் சென்ற கார், எதிர் திசையில் வந்த டிப்பர் லொறியுடன் மோதியுள்ளது.
விபத்தில் இரண்டு வாகனங்களின் சாரதிகளும் காயமடைந்து ஹபரணை வைத்தியசாலையில் அனுமதிக்கப்பட்டனர். எனினும், 50 வயதுடைய விசேட வைத்திய நிபுணர் வைத்தியசாலையில் அனுமதிக்கப்படும் போதே உயிரிழந்துவிட்டதாக அறிவிக்கப்பட்டார்.
உயிரிழந்தவர் பொலன்னறுவை, புதிய நகர் (New Town) பகுதியைச் சேர்ந்தவர் ஆவார்.
டிப்பர் லொறியின் சாரதி மேலதிக சிகிச்சைகளுக்காகப் பொலன்னறுவை வைத்தியசாலைக்கு மாற்றப்பட்டுள்ளார்.
மின்னேரிப் பொலிஸார் மேலதிக விசாரணைகளை முன்னெடுத்து வருகின்றனர்.