கொழும்பு மாநகர சபையின் அதிகாரம் தேசிய மக்கள் சக்தியிடம்?

ஆளுங்கட்சிக்கு நெருக்கமான வட்டாரங்கள் தெரிவித்துள்ளன.

தற்போதைக்கு மாநகர சபைக்குத் தெரிவான 63 உறுப்பினர்கள் தேசிய மக்கள் சக்திக்கு ஆதரவளிக்கத் தயாராக இருப்பதாக தெரியவந்துள்ளது.

அதன் பிரகாரம் எதிர்வரும் 02ஆம் திகதி பெரும்பாலும் தேசிய மக்கள் சக்தியின் விராய் கெலீ பல்தசார் கொழும்பு மாநகர மேயராக பதவி ஏற்கவுள்ளதாக தகவல்கள் வௌியாகியுள்ளன.

எதிர்க்கட்சிகள் ஒன்றிணைந்து கொழும்பு மாநகர சபையின் அதிகாரத்தைக் கைப்பற்றும் முயற்சிகளை மேற்கொண்டது. எனினும், எதிர்க்கட்சித் தலைவர் சஜித் பிரேமதாசவின் பிடிவாதம் காரணமாக குறித்த முயற்சியில் தடங்கல் ஏற்பட்டுள்ளது. 

உள்ளூராட்சி நிறுவனங்களில் அதிக கவனத்தை ஈர்த்துள்ள கொழும்பு மாநகர சபை மேயர் பதவிக்கான தேர்தல் களம் சூடுபிடித்துள்ளதாக அரசியல் வட்டாரங்கள் தெரிவிக்கின்றன.

கொழும்பு மாநகர சபையின் மேயர் மற்றும் துணை மேயரைத் தேர்ந்தெடுப்பதற்கான தேர்தலை ஜூன் 2 ஆம் திகதி நடத்துவதற்கான ஏற்பாடுகள் தற்போது நடைபெற்று வருகின்றன.

இருப்பினும், நாட்டின் முக்கியமான உள்ளூராட்சி நிறுவனமாகக் கருதப்படும் கொழும்பு மாநகர சபையில் அதிகாரத்தை நிலைநாட்ட தேசிய மக்கள் சக்தி கட்சியால் 50% வரம்பைத் தாண்ட முடியாத பின்னணியில், இது தொடர்பில் எதிர்க்கட்சி கட்சிகள் மிகுந்த கவனம் செலுத்தி வருகின்றன.

அரசியல் கட்சிகள் கொழும்பு மாநகர சபையில் அதிகாரத்தை நிலைநாட்டுவதில் தங்கள் அதிகபட்ச ஆற்றல்களை வௌிப்படுத்தி வருவதால் இந்த தேர்தல் களம் சூடுபிடித்துள்ளதாக அரசியல் விமர்சகர்கள் சுட்டிக்காட்டியுள்ளனர்.

இந்த விவகாரம் தொடர்பாக அரசியல் கட்சிகளுக்கு இடையே ஏற்கனவே இரகசிய பேச்சுவார்த்தைகள் தொடங்கிவிட்டதாகவும், சில சந்தர்ப்பங்களில், அரசியல் கட்சி உறுப்பினர்களை ஈர்க்க பல்வேறு சலுகைகள் மற்றும் வரபிரசாதங்களை வழங்க சில தரப்பினர் செயல்பட்டு வருவதாகவும் தெரிவிக்கப்படுகிறது.

இந்த சூழ்நிலையில், உள்ளூராட்சி ஆணையரால் நடத்தப்படும் தேர்தலில் 50%க்கும் அதிகமான வாக்குகளைப் பெறும் அரசாங்க அல்லது எதிர்க்கட்சி வேட்பாளர், கொழும்பு மாநகர சபையின் மேயராகத் தேர்ந்தெடுக்கப்படுவார்.

கடந்த உள்ளூராட்சிமன்றத் தேர்தலில், கொழும்பு மாநகர சபையில் தேசிய மக்கள் சக்தி தனிக் கட்சியாக 48 ஆசனங்களை வென்ற, அதே நேரத்தில் ஐக்கிய மக்கள் சக்தி உள்ளிட்ட எதிர்க்கட்சிகள் 69 ஆசனங்களை வென்றுள்ளமை குறிப்பிடத்தக்கது.