தொடர்பு இருப்பது தெரியவந்துள்ளதாக, பதவி விலகும் கணக்காய்வாளர் நாயகம் சூலந்த விக்ரமரத்ன கூறுகிறார்.
2019ஆம் ஆண்டு முதல் 06 ஆண்டுக் காலமாக இலங்கையின் 41ஆவது கணக்காய்வாளர் நாயகமாகப் பணியாற்றிய சூலந்த விக்ரமரத்ன, தனது பதவிக் காலத்தை முடித்து நேற்று ஓய்வு பெற்றார்.
அப்போது செய்தியாளர்களிடம் பேசிய கணக்காய்வாளர் நாயகம், ஊழல் தொடர்பான சம்பவங்களுக்கு அரசியல்வாதிகள் பெரும்பாலும் குற்றம் சாட்டப்படுவதாகக் கூறினார்.
"இருப்பினும், பல சம்பவங்கள் தொடர்பான விசாரணைகளில் சில அரச அதிகாரிகள் சம்பந்தப்பட்டிருப்பதும் கண்டறியப்பட்டுள்ளது. அரசியல்வாதிகள் மட்டும் காசோலைகள் மற்றும் வவுச்சர்களில் கையெழுத்திட முடியாது. அதைச் செய்வது அரச அதிகாரிகள்தான். இந்தப் பிரச்சினையை விரைவில் நாம் கவனிக்காவிட்டால், நாமும் இதே பாதையில் செல்ல வேண்டியிருக்கும்" என்று அவர் கூறினார்.
இந்தப் பிரச்சினையைத் தீர்ப்பதற்கான பொருத்தமான பொறிமுறையை, பொது நிறுவனங்கள் தொடர்பான நாடாளுமன்றக் குழு (COPE) மற்றும் பொதுக் கணக்குகள் தொடர்பான குழு (COPA) மூலம் மட்டுமே உருவாக்க முடியும் என்றும் அவர் குறிப்பிட்டார்.
"புதிய COPE மற்றும் COPA குழுக்கள் இந்தப் பிரச்சினையைத் தீர்க்கப் பாடுபட உறுதிபூண்டுள்ளன. இதில் கணக்காய்வாளர் நாயகத்திற்கு முக்கிய பங்கு உண்டு. நாங்கள் அறிக்கைகளை சமர்ப்பிப்பது மட்டுமல்லாமல், முடிந்தவரை நடவடிக்கை எடுத்து தண்டனைகளை விதிக்க மேலும் நடவடிக்கை எடுக்க வேண்டும்" என்று அவர் மேலும் கூறினார்.