கடுமையான கட்டணக் கொள்கை குறித்து விவாதிக்க, பல நாடுகள் இப்போது அமெரிக்காவைத் தொடர்பு கொண்டுள்ளதாக வெளிநாட்டு ஊடகங்கள் தெரிவிக்கின்றன.
அமெரிக்க தேசிய பொருளாதார கவுன்சிலின் இயக்குனர் கெவின் ஹாசெட் வெளியிட்ட அறிக்கையை மேற்கோள் காட்டி, 50க்கும் மேற்பட்ட நாடுகள் இப்போது வெள்ளை மாளிகையைத் தொடர்புகொள்ள முயற்சித்துள்ளதாக அறிக்கைகள் குறிப்பிடுகின்றன.
மேலும், இஸ்ரேலிய பிரதமர் பெஞ்சமின் நெதன்யாகுவும் வர்த்தக பேச்சுவார்த்தைகளுக்காக ட்ரம்பை சந்திக்க வொஷிங்டனுக்கு செல்லவுள்ளதாக தகவல்கள் தெரிவிக்கின்றன.
புதன்கிழமை ட்ரம்ப் வரிகளை அறிவித்ததைத் தொடர்ந்து, அமெரிக்கப் பொருட்களுக்கான இறக்குமதி வரிகளை 0% ஆகக் குறைப்பதாக வியட்நாம் தெரிவித்துள்ளது.
அமெரிக்கப் பொருட்களுக்கு 5% இறக்குமதி வரி விதிக்க முன்மொழிந்து, கம்போடியா ஒரு கடிதத்தையும் அனுப்பியுள்ளது.
இந்தோனேசியாவும் தாய்வானும் அமெரிக்காவிற்கு தாராளவாத வரிக் கொள்கையை ஏற்றுக்கொள்வதாக அறிவித்துள்ளன.