இடைவெளியைக் குறைப்பதற்கான ஒரு திட்டம் செவ்வாய்க்கிழமை (08) நடைபெறும் சிறப்புக் கலந்துரையாடலில் நாட்டின் அதிகாரிகளிடம் சமர்ப்பிக்கப்படும் என்று, தொழில் அமைச்சரும் பொருளாதார மேம்பாட்டு பிரதி அமைச்சருமான டாக்டர் அனில் ஜயந்த தெரிவித்தார்.
அமெரிக்காவின் புதிய கட்டணக் கொள்கை இலங்கையை எவ்வாறு பாதிக்கும் என்பது குறித்து பொதுமக்களுக்குத் தெரிவிக்க நடத்தப்பட்ட சிறப்பு செய்தியாளர் சந்திப்பின் போதே, அவர் இவ்வாறு கூறினார்.
இது பற்றி தொடர்ந்து விளக்கமளித்த தொழில் அமைச்சர், "44% வரி விதிக்கப்பட்ட பிறகு, அது ஏற்றுமதி பொருட்களின் முக்கிய வகைகளில் 80-86% க்கு பொருந்தும். ஆடைத் துறை, பிளாஸ்டிக் மற்றும் இறப்பர் பொருட்கள், உணவு பதப்படுத்தும் பொருட்கள், நகைகள் மற்றும் பலவற்றிற்குப் பொருந்தும். மொத்தம் 86% ஆகிறது. வரிகள் விதிக்கப்படுவதால், நமது பொருட்கள் போட்டியற்றதாகிவிடும்.
“நாம் என்ன செய்ய முடியும்? அமெரிக்கா, வர்த்தக இடைவெளியைக் குறைக்க முன்மொழிந்தது. நாங்கள் அமெரிக்க வர்த்தக பிரதிநிதிகளுடன் ஒரு சந்திப்பை நடத்தினோம். வர்த்தக இடைவெளியைக் குறைப்பதற்கான எங்கள் திட்டங்களை முன்வைக்குமாறு எங்களிடம் கேட்கப்பட்டது. அடுத்த செவ்வாய்க்கிழமை இறுதி முன்மொழிவுகளை நாங்கள் முன்வைப்போம்.
கேள்வி – வியட்நாம் அமெரிக்காவிற்கான கட்டணங்களை 0% ஆகக் குறைத்துள்ளது, நமக்கும் இதே போன்ற முடிவு இருக்கிறதா?
பதில் - "அமெரிக்கா 10% பொது விகிதத்தை முன்மொழிந்தது. அமெரிக்கா 20% அல்லது அதற்கும் குறைவான விகிதத்தில் இறக்குமதி செய்தால், சுமார் 20% விகிதத்தில் பேச்சுவார்த்தை நடத்தலாம். மேலே குறிப்பிடப்பட்ட 5 வகைகளுக்கு சிறப்பு கவனம் செலுத்தப்படும்."
கேள்வி - இந்தியப் பிரதமரின் வருகையின் போது இந்தப் பிரச்சினைக்கு இந்தியாவிடம் அரசாங்கம் தீர்வுகளைக் கோரியதா?
பதில் - "நாங்கள் ஒரு கோரிக்கையை வைத்தோம். அவர்கள் அதைப் பரிசீலிப்பதாகக் கூறினர்."
இதற்கிடையில், அமெரிக்க ஜனாதிபதி டொனால்ட் ட்ரம்ப் அறிமுகப்படுத்திய புதிய கட்டணக் கொள்கை உள்ளிட்ட கடுமையான சமூக-பொருளாதாரக் கொள்கைகளுக்கு எதிராகக் குரல் எழுப்பி, அமெரிக்க மக்கள் HAND OFF என்ற மிகப்பெரிய தொடர் போராட்டங்களைத் தொடங்கியுள்ளனர்.
அமெரிக்காவின் 50 மாநிலங்களிலும் 1,200க்கும் மேற்பட்ட இடங்களில் நடைபெற்ற இந்தத் தொடர் போராட்டங்கள், ட்ரம்ப் பதவியேற்றதிலிருந்து அவருக்கு எதிரான மிகப்பெரிய பொது எதிர்ப்பாகும்.
அரசாங்க விவகாரங்களில் கோடீஸ்வரர் எலோன் மஸ்க் தலையிடுவதும், பொதுமக்களால் கடுமையாக விமர்சிக்கப்பட்டுள்ளது.
அதே நேரத்தில், ட்ரம்பின் கட்டணக் கொள்கைக்கு எதிரான போராட்டங்கள் ஜெர்மனி, பிரிட்டன், பிரான்ஸ் மற்றும் போர்ச்சுகல் உள்ளிட்ட பல நாடுகளில் நடத்தப்பட்டன.