கோத்தபாய ராஜபக்ச தலைமையிலான அரசாங்கத்தின் வெளியேற்றம் தமிழ் முற்போக்கு கூட்டணி ஆர்ப்பாட்டத்தை நடத்த தீர்மானித்துள்ளது.இந்த அரசாங்கம் வீட்டுக்கு அனுப்பும் மலையகப் போராட்டம் எதிர்வரும் ஏப்ரல் மாதம் 3ஆம் திகதி ஆரம்பமாகும் என தமிழ் முற்போக்கு கூட்டணியின் பிரதித் தலைவர் பழனி திகாம்பரம் தெரிவித்துள்ளார்.
தொழிலாளர் தேசிய சங்கத்தின் மகளிர் பிரிவின் ஏற்பாட்டில் ஹட்டன் கலாசார மண்டபத்தில் இடம்பெற்ற நிகழ்வில் கலந்து கொண்டு உரையாற்றிய திகாம்பரம், மலையக அரசாங்கத்திற்கு எதிரான அனைத்து கட்சிகளையும் அன்றைய தினம் தலவாக்கலையில் பேரணி மற்றும் ஆர்ப்பாட்டம் நடத்த அழைப்பு விடுத்துள்ளார்.
''இன்று மலையகத்தில் மட்டுமல்ல, அனைத்து சமூகத்தினரும் அவதிப்படுகின்றனர். டீசல், பெட்ரோல் மற்றும் அத்தியாவசிய உணவுப் பொருட்களின் விலைகள் தாறுமாறாக உயர்ந்துள்ளன.
உணவுப் பொருட்களின் விலை நாளுக்கு நாள் அதிகரித்தாலும், மக்களின் ஊதியம் உயர்த்தப்படவில்லை.ராஜபக்ச அரசை 20 வருடங்களுக்கு அசைக்க முடியாது என கூறி ராஜபக்ச அரசில் இணையுமாறு தனக்கும் அழைப்பு விடுக்கப்பட்டுள்ளதாக திகாம்பரம், தெரிவித்தார்.
20 ஆண்டுகளாக அசைக்க முடியாது என்று கூறிய இந்த அரசை மக்களுக்கு இரண்டு ஆண்டுகளில் வெறுத்துப்போய்விட்டது.
மலையகத்தில் 50 வருடங்களாக அரசியலில் இருந்தவர்களை விட நான்கரை வருட நல்லாட்சியில் எம்மால் அதிக சேவை செய்ய முடிந்துள்ளது என கூறியுள்ள அவர் "தோட்டத் தொழிலாளர்களை தோட்ட உரிமையாளர்களாக்க வேண்டும்," என்றார்.
தமிழ் லீடர் செய்திகளை வாட்ஸ்ஆப்பில் பெற கீழே உள்ள லிங்க் மூலம் இணையுங்கள்.
