படுகைக்குள் நீர்ப்பாசனத் திணைக்களத்தினால் மேற்கொள்ளப்படும் தரவு பகுப்பாய்வுகளுக்கு அமைய, அடுத்த சில மணிநேரங்களில் பாரிய வெள்ள நிலைமை ஏற்படும் என எச்சரிக்கை விடுக்கப்பட்டுள்ளது.
அதற்கமைய, இரத்தினபுரி மாவட்டத்தின் பெல்மதுளை, நிவித்திகலை, இரத்தினபுரி, குருவிட்ட, அயகம மற்றும் எலபாத மற்றும் களுத்துறை மாவட்டத்தின் களுத்துறை, இங்கிரிய, ஹொரண, தொடன்ங்கொட, மில்லனிய, புலத்சிங்கள, பாலிந்தனுவர, மதுராவல மற்றும் அக்லவத்த ஆகிய பிரதேச செயலாளர் பிரிவுகளுக்குட்பட்ட, களு கங்கையின் வெள்ளச் சமவெளியைச் சேர்ந்த தாழ் நிலங்களுக்கு இந்த வெள்ள நிலைமையினால் பாதிப்பு ஏற்படவுள்ளது.
இப்பகுதிகளில் வசிப்பவர்கள் மற்றும் அதன் ஊடாகப் பயணிக்கும் வாகன சாரதிகள் மற்றும் பயணிகள் மிகுந்த அவதானத்துடன் செயற்படுமாறு அனர்த்த முகாமைத்துவ நிலையம் கோரிக்கை விடுத்துள்ளது.
களனி ஆற்றுப் பள்ளத்தாக்கின் தாழ் நிலப் பகுதிகளுக்குப் பாரிய வெள்ளப்பெருக்கு ஏற்படலாம் என எச்சரிக்கை விடுக்கப்பட்டுள்ளது.
அதன்படி, எதிர்வரும் 48 மணி நேரத்திற்குள் எஹெலியகொட, யட்டியாந்தோட்டை, கலிகமுவ, ருவான்வெல்ல, புலத்கொஹுப்பிட்டிய, தெஹியோவிட்ட, சீதாவக்க, தொம்பே, பாதுக்கை, ஹோமாகம, கடுவெல, பியகம, கொலன்னாவ, களனி, வத்தளை மற்றும் கொழும்பு ஆகிய பிரதேச செயலாளர் பிரிவுகளுக்குட்பட்ட கெளனி ஆற்றுப் பள்ளத்தாக்கின் தாழ் நிலப் பகுதிகளுக்குப் பாரிய வெள்ள நிலைமை ஏற்படலாம் என எச்சரிக்கை விடுக்கப்பட்டுள்ளது.
களனி ஆற்றுப் படுகையின் நீர்ப்பிடிப்புப் பகுதிகளில் பல இடங்களில் தற்போது அதிக மழை பெய்து வருவதாக நீர்ப்பாசனத் திணைக்களம் தெரிவித்துள்ளது.
இந்த மழை வீழ்ச்சி நிலைமை, களனி ஆற்றின் மேல் படுகையில் அமைந்துள்ள நீர்த்தேக்கங்களிலிருந்து வெளியேற்றப்படும் நீரின் அளவு மற்றும் நீர்ப்பாசனத் திணைக்களத்தினால் களனி ஆற்றுப் படுகைக்குள் பராமரிக்கப்படும் ஆற்று நீர் அளவீடுகளின் பகுப்பாய்வுகளுக்கு அமைய இந்த எச்சரிக்கைகள் விடுக்கப்பட்டுள்ளன.
இந்த நிலைமையிலிருந்து உயிர்களையும் உடைமைகளையும் பாதுகாத்துக் கொள்வதற்காக மிகுந்த அவதானத்துடன் செயற்படுமாறு அப்பகுதிகளில் வசிக்கும் பொதுமக்களையும், அப்பகுதிகள் வழியாகப் பயணிக்கும் சாரதிகளையும் பயணிகளையும் கோரப்பட்டுள்ளது.
தேவையான நடவடிக்கைகளை எடுக்குமாறு அனர்த்த முகாமைத்துவப் பிரிவுகளிடம் கோரிக்கை விடுக்கப்பட்டுள்ளது.