அனர்த்தம் காரணமாக பொலிஸாரின் விடுமுறைகள் இரத்து; இராணுவமும் தயார் நிலையில்!

இரத்து செய்யப்பட்டுள்ளதாக காவல்துறை தலைமையகம் தெரிவித்துள்ளது.

இது எதிர்வரும் 30ஆம் திகதி வரை அமுலில் இருக்கும் என்று காவல்துறை ஊடகப் பேச்சாளரும், உதவி காவல்துறை அத்தியட்சகருமான எஃப்.யூ.வுட்லர் தெரிவித்துள்ளார்.

தற்போதுள்ள அனர்த்த நிலைமை காரணமாக, எந்தவொரு அதிகாரியாவது தான் நியமிக்கப்பட்ட காவல் நிலையத்திற்கு கடமைக்குச் செல்ல முடியாவிட்டால், அருகில் உள்ள காவல் நிலையத்தில் கடமைக்குச் செல்லுமாறு காவல்துறை ஊடகப் பேச்சாளர் குறிப்பிட்டுள்ளார்.

அவசர அனர்த்த நிலைமைகளுக்கான உடனடி அழைப்பு இலக்கங்கள்: 117, 119 சுவசரிய (Suwasariya) சேவை: 1990 தீயணைப்புத் துறை: 110 இராணுவத் தலைமையகம்: 113 விமானப்படைத் தலைமையகம்: 116 என்ற இலக்கங்களுக்கு அழைக்கலாம்.

தற்போது தீவை பாதித்துள்ள மோசமான வானிலை காரணமாகப் பாதிக்கப்பட்டுள்ள மக்களை மீட்பதற்கும் அவர்களுக்குத் தேவையான உதவிகளை வழங்குவதற்கும் இராணுவப் படைகளை ஈடுபடுத்துமாறு ஜனாதிபதி அவர்கள் இராணுவத் தளபதிக்குப் பணிப்புரை வழங்கியுள்ளார்.

அறிக்கை ஒன்றை வெளியிட்டுள்ள இராணுவம், ஏற்கனவே 20,500இற்கும் மேற்பட்ட இராணுவ வீரர்கள் பாதிக்கப்பட்டுள்ள மக்களை மீட்கும் நடவடிக்கைகளுக்காகத் தீவு முழுவதும் ஈடுபடுத்தப்பட்டுள்ளதாகத் தெரிவித்துள்ளது.

நேற்று (27) ஒரு நாளில் மட்டும் அனர்த்த நிலைமை காரணமாகப் பாதிக்கப்பட்ட சுமார் 3,790 பேர் வரையானோரை மீட்டுப் பாதுகாப்பான மையங்களுக்கு அனுப்ப இராணுவம் நடவடிக்கை எடுத்துள்ளது.

குறிப்பாக மோசமான வானிலையால் கடுமையாகப் பாதிக்கப்பட்டுள்ள நாட்டின் மத்திய மாகாணத்தில் கண்டி, நுவரெலியா மற்றும் பதுளை மாவட்டங்களில் நிலவும் கடுமையான வெள்ளம் மற்றும் மண்சரிவுகள் காரணமாக வீதிகள் தடைப்பட்டுள்ளதால் இந்தக் மீட்புப் பணிகளுக்குத் தடைகள் ஏற்பட்டுள்ளன. இருப்பினும், இத்தடைகளுக்கு மத்தியிலும் மீட்புப் பணிகளைத் தொடர்ச்சியாக மேற்கொள்ள இராணுவம் நடவடிக்கை எடுத்து வருகிறது.

இராணுவத்துடன் மேலதிகமாக, இலங்கை கடற்படை மற்றும் விமானப்படையும் மீட்புப் பணிகளில் தீவிரமாக ஈடுபட்டுள்ளன.