உறுப்பினர்கள் உட்பட 20 இற்கும் மேற்பட்ட முன்னாள் முக்கியஸ்தர்கள் அடுத்த ஜனவரி மாதம் மீண்டும் அக்கட்சியில் இணையவுள்ளதாக புதிய ஜனநாயக முன்னணியின் பாராளுமன்ற உறுப்பினர் ரோஹித அபேகுணவர்தன தெரிவித்துள்ளார்.
தாம் நிச்சயமாக ஸ்ரீ லங்கா பொதுஜன பெரமுனவில் இணைவதாகவும், மீண்டும் அக்கட்சியில் இணைவது தொடர்பாக அக்கட்சியின் அதிகாரிகளுடன் தற்போது பேச்சுவார்த்தை நடத்தி வருவதாகவும் அபேகுணவர்தன கூறினார்.
கடந்த பொதுத் தேர்தலுக்கு முன்னர் பொதுஜன பெரமுனவில் இருந்து விலகிய 20 இற்கும் மேற்பட்ட முக்கிய பிரமுகர்கள் தம்முடன் இருப்பதாகவும், அவர்கள் ஸ்ரீ லங்கா பொதுஜன பெரமுனவின் தேசிய அமைப்பாளர் நாமல் ராஜபக்ஷவுடன் நாரஹேன்பிட்டியில் நடைபெற்ற கலந்துரையாடலிலும் பங்கேற்றதாகவும் ரோஹித அபேகுணவர்தன குறிப்பிட்டார்.
முன்னாள் அமைச்சர்களான பவித்ரா வன்னியாரச்சி, ரமேஷ் பத்திரண மற்றும் சிந்தக மாயாதுன்னே உட்பட பலர் மீண்டும் 'மொட்டு' கட்சியில் இணைய எதிர்பார்ப்பதாகவும், இவர்களில் தானும், ரமேஷ் பத்திரண போன்ற முன்னாள் அமைச்சர்கள் உள்ளிட்ட அதிகமானோர் கடந்த 21ஆம் திகதி நடைபெற்ற எதிர்க்கட்சிகளின் மக்கள் பேரணியிலும் பங்கேற்றதாகவும் முன்னாள் அமைச்சர் தெரிவித்தார்.
தாம் எந்தவொரு சந்தர்ப்பத்திலும் ஸ்ரீ லங்கா பொதுஜன பெரமுனவில் இருந்து விலகவில்லை என்றும், கடந்த பொதுத் தேர்தலில் பாராளுமன்றத்துக்குத் தெரிவாவதற்கு பொருத்தமான முடிவை எடுத்து 'சிலிண்டர்' சின்னத்தில் போட்டியிட்டதாகவும், அந்த பொதுத் தேர்தலில் களுத்துறை மாவட்டத்தில் 'மொட்டு' சின்னத்தில் போட்டியிட்ட பட்டியலை விட 'சிலிண்டர்' சின்னத்தில் போட்டியிட்ட குழுவினர் பலமாக இருந்ததாலேயே ஒரேயொரு பாராளுமன்ற உறுப்பினர் பதவிக்கான வாய்ப்பு தமக்குக் கிடைத்தது என்றும் அவர் மேலும் தெரிவித்தார்.