யானைகள் நடமாடும் பகுதிகளில் இரவு நேர ரயில் சேவை நிறுத்தம்!

சமர்ப்பிக்கப்பட்டுள்ளதாக ரயில் நிலைய அதிபர்கள் சங்கம் தெரிவித்துள்ளது.

சங்கத்தின் செயலாளர், கசுன் சாமர ஜெயசேகர, நேற்று (25) பல இரவு அஞ்சல் ரயில்களில் இருக்கைகளை முன்பதிவு செய்ய பயணிகளுக்கு வாய்ப்பு கிடைக்காததால் அவர்கள் பெரும் சிரமத்திற்கு ஆளானதாகக் குறிப்பிட்டார்.

"நேற்று, கொழும்பில் இருந்து திருகோணமலை, கொழும்பில் இருந்து மட்டக்களப்பு மற்றும் மொரட்டுவையில் இருந்து காங்கேசன்துறை வரை செல்லும் இரவு அஞ்சல் ரயில்களுக்கான முன்பதிவு முறையை ரயில்வே திணைக்களம் வெளியிடவில்லை.

"இதுகுறித்து ரயில்வே திணைக்களம் முன்கூட்டியே அறிவிக்கவில்லை. இதன் காரணமாக, பொதுமக்களின் கண்டனங்களுக்கு ரயில் நிலைய அதிபர்கள் ஆளாக நேரிட்டது. இது குறித்து விசாரித்தபோது, ரயில் சாரதிகள் சங்கத்தின் கோரிக்கையின் பேரில், இரவு நேர அஞ்சல் ரயில்களின் கால அட்டவணையை ரயில்வே திணைக்களம் திருத்தியமைத்துள்ளது என்று எமக்குத் தெரியவந்தது.

"எதிர்காலத்தில் இந்த ரயில்கள் பகல் நேரங்களில் இயக்கப்படும். இது பொதுமக்களுக்கு சேவை அளிக்குமா என்பது ஒரு கேள்விக்குறியாகும். திருகோணமலை, மட்டக்களப்பு மற்றும் யாழ்ப்பாணம் போன்ற பகுதிகளில் இருந்து மக்கள் இரவு நேரத்தில் வந்து, மறுநாள் அவர்களுக்குத் தேவையான சேவைகளைப் பெறுவார்கள். ஆனால், பகல் நேரத்தில் ரயில் சேவையை வழங்குவதால், மக்கள் எதிர்பார்க்கும் சேவை கிடைக்குமா என்ற கேள்வி உள்ளது."

இதுகுறித்து வினவியபோது, ரயில் சாரதிகள் சங்கத்தின் செயலாளர் சந்தன வியந்துவ இவ்வாறு கருத்து தெரிவித்தார்.

"ஒரு ரயில் சாரதியால் ரயில் மோதி யானை உயிரிழப்பதைத் தடுக்க முடியாது. ஏனெனில், அதை உடனடியாகச் செய்ய முடியாது. இதற்குத் தீர்வு காணுமாறு அரசாங்கத்திற்கும் ரயில்வே திணைக்களத்திற்கும் இது குறித்து நாங்கள் அறிவித்தோம். எங்களுக்குத் தீர்வு வழங்குவதாக உறுதியளித்தனர். இரவு நேரங்களில் யானைகள் மோதும் வாய்ப்பு அதிகம். யானை தண்டவாளத்திற்கு வருவதைத் தடுக்கும் நடவடிக்கையை எடுத்தால் அது மிகவும் பயனுள்ளதாக இருக்கும்."