வழங்கக்கூடாது என்றும், அத்துடன் குறித்த ஷொப்பிங் பைகளுக்கு அறவிடப்படும் தொகையை நுகர்வோருக்கு வழங்கப்படும் பற்றுச்சீட்டில் குறிப்பிடுவது கட்டாயம் என்றும் நுகர்வோர் அலுவல்கள் அதிகாரசபை அதிவிசேட வர்த்தமானி அறிவித்தலொன்றை வெளியிட்டுள்ளது.
அதன்படி, வர்த்தகர்கள் பொருட்களை விற்கும் சந்தர்ப்பங்களில், குறைந்த அடர்த்தி கொண்ட பொலித்தீன் (LLDPE) மற்றும் நேரியல் குறைந்த அடர்த்தி கொண்ட பொலித்தீன் (LDPE) ஆகிய மூலப்பொருட்களால் தயாரிக்கப்பட்ட கொள்கலன் பைகளை எந்தவொரு நுகர்வோருக்கும் இலவசமாக வழங்கக்கூடாது என்று அந்த வர்த்தமானி அறிவித்தலில் குறிப்பிடப்பட்டுள்ளது.
நவம்பர் மாதம் முதலாம் திகதி முதல் குறித்த ஷொப்பிங் பைகளுக்கு அறவிடப்படும் விலையை வியாபார நிலையத்தில் வெளிப்படையாகத் தெரியும்படி காட்சிப்படுத்த வேண்டும் என்றும் குறித்த அறிவித்தலில் மேலும் குறிப்பிடப்பட்டுள்ளது.
ஒருமுறை மட்டுமே பயன்படுத்தப்படும் பிளாஸ்டிக்கைக் குறைக்கும் அரசாங்கத்தின் வேலைத்திட்டத்திற்கு அமைவாக, நடுத்தர அளவிலான ஷொப்பிங் பைக்கு மூன்று ரூபாயும், பெரிய அளவிலான ஷொப்பிங் பைக்கு ஐந்து ரூபாயும் அறவிடப்பட வேண்டும் என்று சுப்பர் மார்க்கெட்களால் வெளியிடப்பட்ட அறிவிப்பொன்று இந்த நாட்களில் சமூக ஊடகங்களில் பரவி வருகிறது.