திட்டமிட்டுள்ளது. இது தொடர்பாக போக்குவரத்து அமைச்சின் உடன்பாடும் கிடைத்துள்ளதாக அந்த அமைச்சின் தகவல்கள் தெரிவிக்கின்றன.
சாரதி அனுமதிப்பத்திரத்தைப் புதுப்பித்தல் பொதுச் சேவை மற்றும் ஒருநாள் சேவை ஆகியவற்றின் கீழ் மேற்கொள்ளப்படுகிறது. ஒருநாள் சேவை மூலம் சாரதி அனுமதிப்பத்திரத்தைப் புதுப்பிப்பதற்கு ரூபா 4500/- கட்டணமும், பொதுச் சேவையின் கீழ் புதுப்பிப்பதற்கு ரூபா 3500/- கட்டணமும் அறவிடப்படுகிறது.
அத்துடன், கட்டுநாயக்க பண்டாரநாயக்க சர்வதேச விமான நிலையத்தில் வெளிநாட்டவர்களுக்கு சாரதி அனுமதிப்பத்திரம் வழங்கும் கட்டணங்களும் ரூபா இரண்டாயிரத்து ஐநூறிலிருந்து (2500) பதினைந்தாயிரம் (15,000) மற்றும் அதற்கு மேற்பட்ட கட்டணங்களாக அதிகரிக்கப்பட்டுள்ளன.
சாரதி அனுமதிப்பத்திரத்தைப் புதுப்பிக்கும் கட்டண அதிகரிப்பு தொடர்பாக மோட்டார் வாகனப் போக்குவரத்து ஆணையாளர் நாயகம் கமல் அமரசிங்கவிடம் வினவியபோது, மூன்று வருடங்களுக்கு ஒருமுறை கட்டணங்களை உயர்த்துவதற்கான வாய்ப்பு இருப்பதாகவும், இந்த வருடம் அத்தகைய ஒரு வருடம் என்றும் தெரிவித்தார். கட்டண அதிகரிப்புக்கான நடவடிக்கைகள் எடுக்கப்படும் என்றும் அவர் கூறினார்.