கோரி புகையிலை மற்றும் மதுசார அதிகார சபைக்கு 7,049 தொலைபேசி அழைப்புகள் கிடைத்துள்ளன.
இந்த அழைப்புகள் 2023 ஏப்ரல் மாதம் முதல் 2025 மே மாதம் வரையான காலப்பகுதியில் கிடைக்கப்பெற்றுள்ளன. புகையிலை மற்றும் மதுசார அதிகார சபை, தமது குறுந்தொலைபேசி இலக்கமான 1948 என்ற இலக்கத்திற்கு இதுபோன்ற போதைப்பழக்கங்களைத் தடுத்து நிறுத்துமாறு கோரி நாள்தோறும் சுமார் 50 அழைப்புகள் வருவதாகக் குறிப்பிட்டுள்ளது.
அவர்கள் இந்த எண்ணுக்கு அழைப்பு விடுத்து, புகையிலை மற்றும் மதுபானம் மட்டுமின்றி வெற்றிலை மெல்லும் பழக்கத்திற்கு அடிமையானவர்களையும் அதிலிருந்து தடுக்குமாறு மேலும் கோரிக்கை விடுத்துள்ளனர்.
அதன்படி, புகையிலை மற்றும் மதுசார அதிகார சபையின் உளவள ஆலோசகர்களால் இதுவரை 1,404 பயனாளிகளுக்கு ஆலோசனை வழங்கப்பட்டுள்ளது.
இந்த ஆலோசனைகளின்படி, 69 பேர் மது, புகையிலை மற்றும் வெற்றிலை மெல்லுவதை முழுமையாக நிறுத்தியுள்ளதாகவும், மற்றவர்கள் அதைக் கைவிடுவதற்கான நடவடிக்கைகளை மேற்கொண்டு வருவதாகவும் அந்த அதிகார சபை குறிப்பிடுகிறது.
இந்த நிலைகளிலிருந்து விடுபட விரும்பும் எவரும் உடனடியாக 1948 என்ற தொலைபேசி எண்ணுக்கு அழைக்குமாறும் அந்த அதிகார சபை மேலும் கோரிக்கை விடுக்கிறது.