வெளியேற்றப்பட்டுள்ளதாக பதுளை மாவட்ட செயலாளர் பிரபாத் அபேவர்தன தெரிவித்துள்ளார்.
வடகிழக்கு பருவமழை தீவிரமடைந்துள்ள நிலையில், மழை பொழிவு காரணமாக தேசிய கட்டிட ஆராய்ச்சி அமைப்பின் ஆலோசனையின் பேரில் இந்த நடவடிக்கை எடுக்கப்பட்டுள்ளதாக அவர் சுட்டிக்காட்டுகிறார்.
நேற்று (10) குறித்த நபர்களைப் பாதுகாப்பு இடங்களுக்கு அனுப்ப நடவடிக்கை எடுக்கப்பட்டதாக பதுளை மாவட்ட செயலாளர் பிரபாத் அபேவர்தன குறிப்பிட்டார்.
"15 பிரதேச செயலாளர் பிரிவுகளில் 14 பிரிவுகள் மட்டுமே அனர்த்தத்தால் பாதிக்கப்பட்டிருந்தன. அனர்த்தத்தால் பாதிக்கப்படாமல் இருந்த ரிதீமாலியத்த பிரதேச செயலாளர் பிரிவும் இப்போது அனர்த்தத்துக்கு உள்ளாகியுள்ளது. களுக்கேலே மலையில் ஏற்பட்ட மண்சரிவு காரணமாக 50 குடும்பங்களைச் சேர்ந்த 129 பேர் பாதுகாப்பு நிலையங்களில் தங்க வைக்கப்பட வேண்டியிருந்தது.
"சொர்ணாதோட்ட பிரிவில் 60 குடும்பங்களைச் சேர்ந்த 157 பேர், ஊவா பரணகம பிரிவில் 40 குடும்பங்களைச் சேர்ந்த 127 பேர், ரிதீமாலியத்த பிரிவில் 50 குடும்பங்களைச் சேர்ந்த 139 பேர், மீகஹகிவுல பிரிவில் 35 குடும்பங்களைச் சேர்ந்த 158 பேர் மண்சரிவு அபாயம் காரணமாக வெளியேற்றப்பட வேண்டியிருந்தது.
"ஹாலி-எல பிரதேச செயலாளர் பிரிவில் 18 குடும்பங்களைச் சேர்ந்த 87 பேர் மற்றும் எல்ல பிரதேச செயலாளர் பிரிவில் 34 குடும்பங்களைச் சேர்ந்த 148 பேர் என மொத்தமாக 238 குடும்பங்களைச் சேர்ந்த 806 பேர் தமது வீடுகளில் இருந்து வெளியேற்றப்பட வேண்டியிருந்தது," என்று அவர் கூறினார்.