கந்து வட்டி கடன்களை திருப்பிச் செலுத்த முடியாமல் இலட்சக்கணக்கான இலங்கை பெண்கள் பாதிக்கப்பட்டுள்ளனர்.நாட்டிற்கு நீதி கோரி சர்வதேச மகளிர் தினத்தன்று வட மத்திய மாகாணத்தில் தொடங்கப்பட்ட 'சத்தியாக்கிரகம்' இன்று மூன்றாவது நாளாகவும்தொடர்கிறது.
கடன் நெருக்கடியால் நாட்டில் நூற்றுக்கணக்கான பெண்கள் தற்கொலை செய்து கொண்டுள்ளதாக அந்த அமைப்பாளர்கள் கூறுகின்றனர்.
நுண்கடன் மகளிர் அமைப்பின் ஏற்பாட்டாளர் ரேணுகா கருணாரத்ன செய்தியாளர்களிடம் கருத்துதெரிவிக்கையில், ஹிங்குரெகொடாவில் உள்ள ராயல் நினைவுச்சின்னத்தின் முன் தொடங்கிய உண்ணாவிரதத்தைகேட்டறிவதற்கு எந்த அதிகாரிகளும் வரவில்லை எனவும் நுண்நிதிக்கடன்களை உடனடியாக ரத்து செய்ய வேண்டும் என்று கோரியுள்ளார்.
நமது நாட்டை பொறுத்தவரை, 200 க்கும் மேற்பட்ட இலங்கை பெண்கள் கடன் சுமையை தாங்க முடியாததால் தற்கொலை செய்து கொண்டுள்ளனர்.
அதிக வட்டி விகிதங்கள் காரணமாக கடனைத் திருப்பிச் செலுத்த முடியாத 2.4 மில்லியனுக்கும் அதிகமான இலங்கை பெண்கள் நிதி நிறுவனங்கள் மற்றும் கடன் வசூலிப்பவர்களின் அவமதிப்பு உள்ளிட்ட பல்வேறு வகையான உடல் மற்றும் மன துஷ்பிரயோகங்களுக்கு உட்படுத்தப்பட்டுள்ளதாக அந்த குழு சுட்டிக்காட்டுகிறது.
"பல பெண்கள் இப்போது கடன் வலையில் சிக்கி, நுண்கடன்களுக்கு மேலதிகமாக கடன் வாங்குகிறார்கள். தற்போதுள்ள வீடு கூட அடமானம் வைக்கப்பட்டு, நுண்கடன்களை திருப்பிச் செலுத்த முயற்சிகள் மேற்கொள்ளப்பட்டுள்ளன" என்று நுண்கடன்களால் பாதிக்கப்பட்ட பெண்கள் வெளியிட்டுள்ள அறிக்கையில் தெரிவிக்கப்பட்டுள்ளது. .
200 க்கும் மேற்பட்ட பெண்கள் தங்கள் வருமானம் தொடர்பான குடும்ப தகராறில் வீட்டு வன்முறையின் விளைவாக தற்கொலை செய்து கொண்டதாக அந்த குழு கூறுகிறது.
நுண்கடன் நிறுவனங்கள் பெண்கள் தங்கள் அரசியல் அபிலாஷைகளுக்காக நுன் கடன் நிறுவனங்களால் பாதிக்கப்பட்டவர்களை தொடர்ந்து ஏமாற்றி வருவதாகவும், அவர்களின் வாழ்வாதாரத்தை கொள்ளையடிப்பதாகவும் குற்றம்ம் சாட்டப்பட்டுள்ளது.
அரசாங்கம் பொறுப்பைத் தவிர்க்கிறது:
நுண் நிதி நெருக்கடிக்கு முக்கிய காரணம், அரசாங்கம் அடிமட்ட பொருளாதார நடவடிக்கைகளிலிருந்து விலகுவதோடு, வறுமை ஒழிப்பும், அந்த பொறுப்பை இலாப நோக்குடைய நிதித்துறைக்கு மாற்றுவதும் ஆகும்.
உடனடியாக தலையிட்டு இந்த கடன்களில் இருந்து பெண்களை அவர்களின் இக்கட்டான சூழ்நிலையிலிருந்து விடுவிக்குமாறு அவர்கள் அரசாங்கத்தை கேட்டுள்ளார்கள்
நிதித் துறையை ஒழுங்குபடுத்துவதற்கும் நிதி நுகர்வோரைப் பாதுகாப்பதற்கும் சட்டமியற்ற வேண்டும் என்றும் அவர்கள் அரசாங்கத்தை வலியுறுத்துகின்றனர்.
இலாப நோக்கற்ற நுண்நிதி சேவைகளுக்கு பதிலாக சிறு உற்பத்தியாளர்களின் பொருளாதாரத்தை உயர்த்தக்கூடிய கூட்டுறவு போன்ற வழிமுறைகளை நிறுவுவதற்கு அரசாங்கம் வசதி செய்ய வேண்டும் என்றும் அவர்கள் கோரினர்.
"நுண்கடனால் பாதிக்கப்பட்ட பெண்களின் ஐந்து முக்கிய கோரிக்கைகள் இதோ!
01. அனைத்து நுண்நிதி கடன்களையும் ரத்துசெய்!
02. கொள்ளையடிக்கும் நுண் நிதியங்கள் தணிக்கை செய்யப்படும் வரை உடனடியாக அனைத்து கடன்களையும் வசூலிப்பதை நிறுத்துங்கள்!
03. நுண் நிதிக் கடனால் பாதிக்கப்பட்டவர்களுக்கு எதிராக எடுக்கப்பட்ட அனைத்து சட்ட நடவடிக்கைகளையும் நிறுத்துங்கள்!
04. நுண் கடன் நிதி நிறுவனங்களால் பாதிக்கப்பட்டவர்களை கடன் பட்டியலிலிருந்து உடனடியாக நீக்கவும்!
05. பாகுபாடற்ற சமூக விடுதலையை மையமாகக் கொண்ட பெண்கள் நிதி அமைப்பை நிறுவுங்கள்!
நுண்கடன் நிறுவனங்களால் பாதிக்கப்பட்ட மகளிர் கூட்டுத் தலைவரான பிரியந்திகா குமாரி செய்தியாளர்களிடம் தங்களது கோரிக்கைகளை அரசாங்கம் நிறைவேற்றும் வரை போராட்டத்தை விட மாட்டாம் என்று கூறியுள்ளார்.
"அரசாங்கம் எங்களது கோரிக்கைளை ஏற்று உரிய தீர்வை பெற்றுத் தறும் வரை எங்களது போராட்டம் தொடரும் என போராட்டத்தில் பங்கு பற்றிய்பெண்கள் தெரிவித்துள்ளனர்.
(புகைப்படம் ஏ.விமுக்தி டி சில்வா)
