வடமேற்கு மற்றும் மேல் மாகாணங்களில் காற்றின் தரச் சுட்டெண் தற்போது 150 முதல் 200 வரை நிலவுகின்றது.
கடந்த சில நாட்களாக காற்றின் தரம் குறைவடைந்து வருவதாகவும், கடந்த 24 மணித்தியாலங்களிலும் இந்த நிலைமை அவதானிக்கப்பட்டதாகவும் அவர் குறிப்பிட்டுள்ளார்.
மேலும் கருத்து தெரிவித்த அவர், காற்றின் தரம் குறைவடைவது உணர்திறன் மிக்க நபர்களுக்கு (Sensitive groups) பாதிப்பை ஏற்படுத்தக்கூடும் எனவும், சுவாசக் கோளாறுகள் அல்லது ஏதேனும் ஒவ்வாமை ஏற்பட்டால் உடனடியாக மருத்துவ ஆலோசனையைப் பெறுமாறும் கேட்டுக்கொண்டார்.
அயல் நாடுகளுக்கு இடையிலான காற்று சுழற்சி மற்றும் வடகிழக்கு பருவமழை தீவிரமடைவதே இந்நிலைக்குக் காரணம் என கலாநிதி அஜித் குணவர்தன சுட்டிக்காட்டினார்.
அத்துடன், மனித நடவடிக்கைகளும் காற்றின் தரம் குறைவதற்குப் பங்களிப்பதாக அவர் தெரிவித்தார். குறிப்பாக தீ மூட்டுதல், வாகனப் புகை போன்றவை இதற்குக் காரணமாக அமைவதோடு, பிளாஸ்டிக் மற்றும் பொலித்தீன் போன்ற பொருட்களை எரிப்பதைத் தவிர்க்குமாறும் பொதுமக்களிடம் கோரிக்கை விடுக்கப்பட்டுள்ளது.
மத்திய சுற்றாடல் அதிகார சபையானது நாட்டின் காற்றின் தரச் சுட்டெண் அல்லது வளிமண்டலத்தின் தரம் குறித்து தொடர்ந்து அவதானித்து வருவதாகவும் அவர் மேலும் தெரிவித்தார்.