விழுந்ததால் கொழும்பு-நுவரெலியா பிரதான வீதி கணேதென்ன பிரதேசத்தில் முற்றாக மூடப்பட்டுள்ளது.
இதனால், அந்தப் பகுதி வழியாகப் பயணிக்கும் வாகன ஓட்டிகள் மாற்று வழிகளைப் பயன்படுத்துமாறு மாவநெல்ல பொலிஸார் அறிவுறுத்தியுள்ளனர்.
இந்த அனர்த்தத்தில் இதுவரை ஒருவர் உயிரிழந்துள்ளார். காயமடைந்த மேலும் நான்கு பேர் மாவநெல்ல வைத்தியசாலையில் அனுமதிக்கப்பட்டுள்ளனர்.
அதேபோல், வர்த்தக நிலையத்தில் இருந்த மேலும் சிலர் இடிபாடுகளுக்குள் சிக்கியிருப்பதாகத் தகவல்கள் தெரிவிக்கின்றன.
அவர்களை மீட்கும் நடவடிக்கைகள் தற்போது ஆரம்பிக்கப்பட்டுள்ளதாக அனர்த்த முகாமைத்துவ நிலையம் தெரிவித்துள்ளது.
இந்த அனர்த்தம் ஏற்பட்ட வர்த்தக நிலையம் மற்றும் அதற்கு அருகில் இருந்த வீடொன்றும் ஹிங்குல பிரதேசத்திற்கு மிகவும் அருகில் அமைந்துள்ளது.
இந்தப் பகுதி செங்குத்தான சரிவுள்ள இடத்தில் அமைந்திருப்பதுடன், அதற்குப் பின்னால் இருந்த மண்மேடுதான் இவ்வாறு சரிந்து விழுந்துள்ளது.
இடிபாடுகளுக்குள் சிக்கியுள்ளவர்களின் சரியான எண்ணிக்கை குறிப்பிடப்பட முடியாவிட்டாலும், பலர் ஆபத்துக்கு உள்ளாகியிருப்பதாகத் தகவல்கள் தெரிவிக்கின்றன.
இந்த வர்த்தக நிலையம் சிற்றுண்டிகளை விற்பனை செய்யும் இடம் என்பதால், தேநீர் அருந்துவதற்காகப் பலரும் இங்கு வரும் இடமாகும் என்று குறிப்பிடப்பட்டுள்ளது.