தொடர்ந்து மட்டுப்படுத்தப்பட்டுள்ள மலையகத்துக்கான ரயில் சேவை!

இன்று முற்பகல் கண்டி முதல் கொழும்பு கோட்டை வரையிலும், கண்டி முதல் பொல்கஹவெல வரையிலும் 10 ரயில் பயணங்கள் இரத்துச் செய்யப்படுவதாக அத்திணைக்களம் கூறுகிறது.

மலையக ரயில் பாதையின் இருபுறமும் பல இடங்களில் ஏற்பட்ட மண்சரிவு காரணமாக, இன்று மதியம் வரை இவ்வாறு ரயில் பயணங்கள் மட்டுப்படுத்தப்படுவதாக தெரிவிக்கப்பட்டுள்ளது.

கொழும்பு கோட்டையிலிருந்து பதுளை வரை இன்று முற்பகல் இயக்கப்படும் ரயில், பேராதனைக்கும் பதுளைக்கும் இடையில் மாத்திரமே சேவையில் ஈடுபடும் என ரயில்வே திணைக்களம் தெரிவித்துள்ளது.

இன்று மதியம் 12.00 மணி முதல் மலையக ரயில் பாதையின் ரயில் சேவைகளை வழமைக்குக் கொண்டுவர முடியும் எனவும் அத்திணைக்களம் கூறுகிறது.