இளம் உலகத் தலைவராக தெரிவுசெய்யப்பட்டுள்ளார்.
இலங்கை அமைச்சர் ஒருவர் உலக இளம் உலக தலைவர் பதவிக்கு தெரிவுசெய்யப்படுகின்றமை இதுவே முதன்முறையாகும்.
பொதுசேவையில் அவரது அர்ப்பணிப்பும், புதிய அணுகுமுறையிலான அவரது தலைமைத்துவமும் தேசிய அளவில் சிறந்த – நேர்மறையான தாக்கத்தை ஏற்படுத்தியுள்ளது. தற்போது இளம் உலக தலைவராக அவர் தெரிவு செய்யப்பட்டுள்ளதன் மூலம் சர்வதேச அளவிலும் அங்கீகரிக்கப்பட்டுள்ளார்.
இது தொடர்பில் கருத்துத் தெரிவித்துள்ள அமைச்சர் கூறியுள்ளதாவது,
“உலக பொருளாதார மன்றத்தால், இளம் உலகளாவிய தலைவர் என எனக்கு கிடைக்கப்பெற்றுள்ள உயரிய அங்கீகாரத்தை எனது சொந்தங்களான மலையக உறவுகளிடம் சமர்ப்பிக்கின்றேன். இலங்கை வரலாற்றில் இளம் அரசியல்வாதியொருவருக்கு முதன்முதலில் கிடைகப்பெறும் இவ்விருதை பணிவுடன் ஏற்கின்றேன்.
“இது எனக்கான பாராட்டு மட்டும் அல்ல இளம் தலைவர்களுக்கும், இளைஞர்களுக்கும் முன்னோக்கி வரவேண்டும் என்ற உந்து சக்தியை ஊக்கத்தை வழங்கும் என நம்புகின்றேன்.
“எமது இளைஞர்களுக்கு சர்வதேச ஒத்துழைப்புகளை பெற்றுக்கொடுக்கவும், வாய்ப்புகளை ஏற்படுத்திக்கொடுக்கவும் இந்த பதவி நிலையை பயன்படுத்துவேன். அர்த்தமுற்ற சமூக மாற்றத்துக்காகவும், உலகளாவிய முயற்சிகளுக்கும் என்னால் முடிந்த முழு முயற்சியையும் வழங்குவேன்.
“இந்த அங்கீகாரத்தை வழங்கிய உலக பொருளாதார மன்றத்திற்கும், எனது பயணத்துக்கு ஆதரவளித்த, உற்சாகமளித்த, நம்பிக்கையளித்த அனைவருக்கும் நன்றிகளை தெரிவித்துக்கொள்கின்றேன்” என்று குறிப்பிட்டுள்ளார்.