மேலும் இது குறித்து கருத்துதெரிவித்த மஹிந்த ராஜபக்ஷ, அடுத்த வாரம் பசில் ராஜபக்ஷவுடன் உத்தியோகபூர்வ கலந்துரையாடல் நடத்தப்படும் என்றும், அந்த விவாதத்திற்குப் பிறகு அவர் நாடாளுமன்றத்திற்கு வருவது குறித்து உறுதியான முடிவை கூற முடியும் என கூறினார்.
தனது உறுதியான முடிவை அவரே வெளிப்படுத்தும் வரை பசில் ராஜபக்ஷவின் முடிவுகளை அவரால் வெளியிட முடியாது என்று பிரதமர் தெரிவித்துள்ளார்
இன்று ஒரு முக்கியமான விவாதம்?
சமீபத்தில் அமெரிக்காவிலிருந்து நாடு திரும்பிய பசில் ராஜபக்ஷ தற்போது கொழும்பில் உள்ள ஷங்க்ரிலா ஹோட்டலில் தனிமைப்படுத்தலில் இருக்கிறார், அவருக்கும் ராஜபக்ஷ குடும்ப சகோதரர்களுக்கும் இடையே ஒரு முக்கியமான கலந்துரையாடல் இன்று பிற்பகல் நடைபெறும் என உள்நாட்டு அரச வட்டாரங்கள் தெரிவிக்கின்றன.
பசில் ராஜபக்ஷவின் நெருங்கிய நண்பர் தி லீடரிடம், நிதி அமைச்சு உள்ளிட்ட அதிகாரங்கள் அடங்கிய அமைச்சு வழங்கப்படாவிட்டால் நாடாளுமன்றத்திற்கு செல்வதில்லை என தெளிவான முடிவை பசில் எடுத்துள்ளதாக கூறினார்.