எடுத்துள்ளது. போக்குவரத்து, நெடுஞ்சாலைகள் மற்றும் நகர அபிவிருத்தி அமைச்சராக பிமல் ரத்நாயக்கவினால் அது தொடர்பான வர்த்தமானி அறிவிப்பு வெளியிடப்பட்டுள்ளதாகத் தெரிவிக்கப்படுகிறது.
அதன்படி, வெளிநாட்டுப் பிரஜை ஒருவர் ஒரு மாத காலப்பகுதிக்கு தற்காலிக சாரதி அனுமதிப்பத்திரம் பெறுவதற்கு இதுவரை அறவிடப்பட்ட ரூபா 2,000/- இன்று முதல் ரூபா 15,000/- வரை அதிகரிக்கப்பட்டுள்ளது.
ஒரு மாதத்திற்கு மேலும் இரண்டு மாதங்கள் வரையான காலப்பகுதிக்கு: ரூபா 21,000/-
இரண்டு மாதங்களுக்கு மேலும் 6 மாதங்கள் வரையான காலப்பகுதிக்கு: ரூபா 30,000/-
6 மாதங்களுக்கு மேலும் 12 மாதங்கள் வரையான காலப்பகுதிக்கு: ரூபா 45,000/-
மேலும், வெளிநாட்டுப் பிரஜை ஒருவருக்கு சாரதி அனுமதிப்பத்திரத்தை புதுப்பிப்பதற்காக அறவிடப்படும் கட்டணம் ரூபா 15,000/- ஆகும். சாரதி அனுமதிப்பத்திரம் அழிந்தாலோ அல்லது சேதமடைந்தாலோ அதன் பிரதியொன்றை வழங்குவதற்காக அறவிடப்படும் கட்டணமும் ரூபா 15,000/- என்று குறிப்பிடப்பட்டுள்ளது.
அதேபோன்று, இலங்கைக்கு வெளியே வழங்கப்பட்ட சாரதி அனுமதிப்பத்திரம் அல்லது அதற்குச் சமமான சாரதி அனுமதிப்பத்திரத்தைக் கொண்ட இலங்கை பிரஜை ஒருவருக்கு புதிய சாரதி அனுமதிப்பத்திரம் வழங்குவதற்காக இதுவரை அறவிடப்பட்ட ரூபா 3,300/- இன்று முதல் ரூபா 30,000/- வரை அதிகரிக்கப்பட்டுள்ளது.
இலங்கைக்கு வெளியே வழங்கப்பட்ட சாரதி அனுமதிப்பத்திரம் அல்லது அதற்குச் சமமான சாரதி அனுமதிப்பத்திரத்தைக் கொண்ட வெளிநாட்டுப் பிரஜை ஒருவருக்கு புதிய சாரதி அனுமதிப்பத்திரம் வழங்குவதற்கு இதுவரை அறவிடப்பட்ட ரூபா 15,000/- இன்று முதல் ரூபா 60,000/- வரை அதிகரிக்கப்பட்டுள்ளதாக போக்குவரத்து, நெடுஞ்சாலைகள் மற்றும் நகர அபிவிருத்தி அமைச்சு தெரிவித்துள்ளது.